Rota, Tantaran'ny FanavotanaSantionany

Alavitra ny tokantrano

Efa nisy fotoana ve ianao nieritreritra hoe mba miasa amin'ny fiainanao tokoa ve Andriamanitra? Matetika izany fanontaniana izany no tonga amiko ary avy hatrany dia ny bokin'i Rota no tsaroako. Tsy mahatsikaritra fahagagana na hetsik'Andriamanitra mivantana avy any an-danitra anefa isika fa mahita kosa ny fiasan'Andriamanitra amim-pahendrena amin'ny fitarihana azy mianaka amin'ny làlam-piarenana sy fahavokarana.

Ny bokin'i Rota dia manomboka amin'ny tantarana fianakaviana iray nipetraka tao Betlehema. Niaina tao amin'ny tanàna iray antsoina hoe tranon'ny mofo izy ireo ary avy eo dia nisy mosary. Tsy dia nanambara zavatra betsaka momba ny fiainan'ilay fianakaviana ny mpanoratra fa tonga dia nanomboka tamin'ny dia nankany amin'ny tany Moaba. Hatrany am-boalohany dia fantatra amin'ny fahalotoam-pitondran-tena ny tanin'ny Moaba. Nanapa-kevitra ny namindra ny fianakaviany niala ny tranon'ny mofo mba honina any amin'ny tany hafa feno fahotana anefa i Elimeleka.

Tsy mandeha alavitra akory isika ato amin'ny toko voalohany dia efa mandray fampiharana tena ilaina amin'ny fiainantsika. Rehefa miatrika fotoan-tsarotra isika dia tsy tokony hiantehatra amin'ny fahalalan'olombelona na handray lalana mora hivoahana fa mila mitady an'Andriamanitra araka ny fikasany. I Elimeleka dia tsy mba nanontany an'Andriamanitra ny momba ny sitrapony sady tsy mba natoky Azy. Ny nataony aza dia nesoriny tamin'ny toerana nonenan'ny vahoakan'Andriamanitra ho any amin'ny tany ratsy fanahy izay tsy mba manana toerana fiderana an'Andramanitra sy fiombonana amin'ny mpino hafa ny fianakaviany.

Vao niala ny sitrapon'Andriamanitra i Elimeleka dia tsy nahay nanavaka ny tsara sy ny ratsy intsony. Namela ireo zanany lahy hanambady vehivavy Moabita izy, izay tsy mahalala an'Andriamanitra ka namela ny fanambadiana tsy mitovy zioga. Avy amin'ny fanampahan-kevitr'i Elimeleka diso iray monja dia efa nitarika ny fianakaviany nanalavitra ny raharahan'Andriamanitra. Tena zava-dehibe amiko sy aminao ny mikatsaka ny sitrapon'Andriamanitra mba tsy hanaovana izay heverintsika ho tsara. Fanampahan-kevitra atao tsy am-piheverana iray dia efa afaka hitarika antsika amin'ny andiana fanampahan-kevitra ratsy maro.

Izao no vaovao tsara, manarina Andriamanitra ary tsara Andriamanitra. Tsy ny fianakaviana potika ihany no hitantsika avy amin'ny fanapahan-kevitra iray. Mbola tsy vita ny an'Andriamanitra.

Amin'ny maha vahoakan'Andriamanitra antsika dia manana fahafahana manokana isika hahalala ny sitrapony sady hiaina sy hialoka eo ambany elany. Misy fotoana mamely ny tafio-drivotra eo amin'ny fiainantsika. Amin'ireo fotoana ireo dia na isika mikatsaka ny sitrapony sy matoky Azy isika, na isika miantehatra amin'ny saim-pantatsika sy manapa-kevitra araka izay heverintsika ho tsara indrindra. Ny iafarany anefa dia ny fandaharan'Andriamanitra ho antsika irery ihany no tsara lavitra noho ny antsika.