Rota, Tantaran'ny FanavotanaSantionany

Miverina amin'ny Famatsiana

Tena mampahery ny mahafantatra fa Andriamanitra dia momba antsika, eo anilantsika Izy, ary tia antsika. Ao anatin'izany, na mahatsapa fahoriana tahaka ny ahoana aza isika na ohatran'ny ahoana ny fahakiviana mety mitranga, mitoetra foana ny fahamarinana fa tsy misy mahasaraka antsika amin'ny fitiavan'Andriamanitra.

Vitsy ny tantara maneho an'io sary io tsara kokoa nohon'ny an'i Naomy sy Rota. Amin'izao fotoana izao dia hitantsika fa samy mananotena izy roa; vehivavy roa misaona ny fahafatesan'ny lehilahy izay tiany, irery ao amin'ny firenena feno haratsiam-panahy. Na izany aza, efa andalam-piovana ny zava-nisy teo amin'ny fiainan'izy ireo. Indray andro, naheno i Naomy fa niverina tao betlehema ny fankasitrahan'Andriamanitra ary ahitana sakafo indray ao amin'ny "Tranon'ny mofo". Teo no eo ihany dia nanapa-kevitra ny hiverina any amin'ny tranony sy ny vahoakany i Naomy.

Tamin'ny voalohany, samy nanapa-kevitra ny handeha ho any Betlehema hiaraka amin'i Naomy i Orpa sy Rota. Tsy lasa lavitra akory ny dia, hita fa niova hevitra i Naomy ny amin'ireo nanara-dia azy. Niverina tany Moaba i Orpa, nohon'ny fanapaha-kevitra tampoka nataon'i Naomy. Nanana safidy hafa anefa i Rota. Nisafidy ny hanaraka an'Andriamanitra i Rota ary hitantsika fa nisy fiovam-po teny an-dalana ho any Betlehema.

Nanohy ny diany izy mianaka mandra-pahatongan'izy ireo tao Betlehema. Rehefa tonga izy ireo, nambaran' ny Baiboly fa nisahotaka ny iray tanàna. Hita fa fantatry ny olona tsara ao i Naomy sy ny fianakaviany. Rehefa tafaverina avy nandeha tany lavitra tany i Naomy, ny vehivavy teo an-tanàna dia nisamaritaka tamin'ny fiverenany indray.

Rehefa naneho ny mombamomba azy izy dia nangataka tamin'ireo vehivavy tao an-tanàna i Naomy mba tsy antsoina azy intsony hoe Naomy (mahafinaritra), fa antsoina hoe Mara (mangidy). Efa niaina ohatran'i Naomy ve ianao, efa nanambe fa izao tsy manana mihitsy? Amin'ny fotoana toy izany tokoa rehefa esorina amintsika ny zavatra tena malalantsika dia mahatsapa ho marefo sy tezitra isika. Tsy hoe tsy voajanahary raha tonga amin'ny fahatezerana isika; fa mila manana toky isika fa tsy ho tonga fangidiana ny fahatezerana.

Tsy maintsy lazaiko fa, tiako ny mikasika ny Naomy tao anatin'ity tantara ity. Tsy hoe niverina izy dia nanafina ny tavany; fa niverina tamin'ireo vahoakany izy ary naneho ny marina izy. Enga anie isika hanaiky ny haneho ny marina eo anatrehan'ny olona manodidina antsika ao anatin'ny tolona atrehantsika ary manaiky isika rehefa mila fampaherezana.
Ny fananana vondron'olona mpino manodidina anao ao anatin'ireo fotoan-tsarotra no fanalahidin'ny dingana fanasitranana.

I Rota sy Naomy dia niverina tany amin'ilay tranon'ny mofo tamin'ny fiandohan'ny fijinjana vary hordea. Fifandrifian-javatra ve? Tsia hoy aho. Nisy hery tsy hita maso nihetsika ary ireo vehivavy roa ireo dia eo am-pahitana an'Andriamanitra manao zavatra lehibe sy mahafinritra izay mbola nanjavona tamin'izy ireo tamin'io fotoana io.

Ny fampaherezana omeko anao androany dia ny matoky fa miasa Andriamanitra. Fantaro fa mihetsika ny fikasany ho anao ary eo imasoNy ianao. Tsy manadino ny momba anao Izy, ary tsy misy na dia iray aza mahasakana ny fitiavaNy anao. Raha sahiran-tsaina na manirery ianao, aza matahotra ny manatona ireo olomasina manodidina anao.