Omeo lanja ny asanaoSantionany

Ampiasain'Andriamanitra amin'ny fanatanterahana ny Sitrapony ny asantsika

Rehefa nandalo taona maro feno fisedrana Josefa, dia tanteraka ihany ny nofinofiny ny farany. Sady nankinin'i Farao taminy ny fitantanana ny tany Egypta iray manontolo, no sady tonga nianohoka teo aminy ireo rahalahiny no sady nangataka sakafo taminy (eny fa na dia tsy fantany aza hoe Josefa izy). Nisy mosary lehibe tokoa mantsy nahazo ny tanin'izy ireo. Efa nanam-pikasana ny hampiasa ireo 7 taona zina sy 7 taona mosarena tokoa Andriamanitra mba hitarihana ny olony hialoka any amin'ny tany Egypta. Nampiasain'Andriamanitra ireo sedra maro be nolalovan'i Josefa hanatanterahana ny Fikasany.

Tamin'ny andro nahafatesan'i Jakoba rain'izy ireo, dia natahotra ireo rahalahin'i Josefa sao hamaly faty amin'izay izy. Tsy nitsahatra nibanjina an'Andriamanitra sy ny Planiny amin'ny fianany nefa Josefa. Izao no navaliny an'ireto rahalahiny: "Hianareo no nisaina hanisy ratsy ahy; fa Andriamanitra kosa nisaina izany ho soa, hanao tahaka ny amin’izao anio izao, hamelona olona betsaka." (Genesisy 50:20). Ankehitriny dia fantatsika hoe toy ny ahoana ny fiafaran'ity tantara ity, fa Josefa kosa tsy nahalala fa tena nandray anjara betsaka tamin'ny planin'Andriamanitra tokoa izy. Indray andro any, dia ho hitan'i Josefa ny hamaroan'ny isan'ny olona izay voavotra noho ny fanampiany.

Ny Jakoba 1:2-3 dia milaza amintsika hoe: "Ry rahalahiko, ataovy ho fifaliana avokoa, raha iharan’ny fakam-panahy samy hafa hianareo, 3satria fantatrareo fa ny fizahan-toetra ny finoanareo dia mahatonga faharetana." Rehefa mitoetra ho mahatoky isika amin'ny fotoan-tsarotra dia mamela an'Andriamanitra hanatanteraka fahagagana amin'ny alalan'ny fiainantsika isika. Zava-dehibe tokoa ny finoantsika fa Andriamanitra dia afaka sy hampiasa ny asantsika hanefena ny toetrantsika, hampahery antsika sy hanatanterahana zava-mahagaga izay mety tsy takatry ny saintsika mihitsy.

Rehefa miivo amin'i Kristy isika, dia manana fahatokisana fa ho ampiasain'Andriamanitra amin'ny mihoatra lavitra amin'ny tsy mbola takatry ny saintsika ny asa izay ataontsika. Toy ny tamin'ny Josefa, dia mety mahita ampahany kely amin'ny Fikasana lehibe ampiasain'Andriamanitra ny asantsika amin'ny Fikasany isika. Indray andro any, isika tsirairay ireo dia samy hahita ny vokatrin'ny fahatokisantsika amin'ny fanatanterahana ny planin'Andriamanitra.

Raiso ny fanamby ary avelao Andriamanitra hanefy anao mandritr'ireny fotoan-tsarotra ireny. Omeo lanja lehibe ny asanao ary tadidio fa ho voninahitr'Andriamanitra sy hanatanterahana ny Sitrapony daholo ny anton'izany.

Vavaka

Ray o, fantatro fa miasa ato anatiko sy amin'ny alalako Ianao. Ampio aho mba hibanjina ny masoko amin'ny fahamarinana any ambony mikasika ny asa izay ataoko isan'andro. Ampitomboy ny finoako. Omeo fahendrena aho mba ahafahako manatanteraka ny asako araka izay Sitraponao irery ihany. Amin'ny anaran'i Jesoa. Amena.

Raha handalina misimisy kokoa

Tsidio ity rohy ity (amin'ny teny anglisy) mba hahazoana fampaherezana workplace devotionals avy amin'ny Workmatters