Haka ny appOmeo lanja ny asanaoSantionany
Safidio ny lanja napetrak'Andriamanitra ho an'ny asanao
Misy fiheveran-diso izay ananantsika kristianina izay mametraka ny asa fanompoana any am-piangonana toy ny asan'ny Pasitera, Diakona, misionera sns ho manan-danja kokoa noho ny asa atao isan'andro. Ny tena loza amin'izany fiheverana izany dia manjary toa mitsara ny asa ankoatr'ireo ho tsy misy dikany sy lanjany akory isika, hany ka mety hisy fiantraikany ratsy amin'ny fahazotoantsika miasa sy ny fihetsikisika any am-piasana izany. Ny zava-misy nefa dia manan-danja avokoa ny asa rehetra eo imason'Andriamanitra. Andriamanitra dia maniry ny iara-iasa amintsika amin'ireo asa rehetra izay sahanintsika amin'ny alalan'ny fanompoana ny hafa sy ny fanatanterahana ny Sitrapony.
Nazava tamin'i Josefa izany, eny fa na dia nandalo ireny sedra maro be ireny aza izy. Tsy nia-ratsy mihitsy ny toetrany na dia nia-ratsy hatrany aza nefa ny niainany. Ary tsy mba nanao atsirambina ny asany mihitsy izy, eny na dia fantany tsara izao aza fa tsy io ny antson'Andriamanitra ho amin'ny fiainany. Fantatr'i Josefa tsara hoe miasa ho an'iza izy – dia ho an'Andriamanitra izany. Noho izany indrindra dia milaza amintsika in-4em>, ny Genesisy 39 fa “Jehovah nomba an'i Josefa” (Gen 39:2, 3, 21, 23). Raha nisisika nanatona azy ny vadin'i Potifara dia namaly azy izy hoe: “Napetraky ny tompoko eo an-tanako avokoa ny fitandremana ny fananany rehetra ary matoky manana ahy izy ka tsy mikarakara na inona na inona intsony ato an-trano. […] Koa ahoana no ahazoako manao zava-dratsy lehibe toy izany, ka hanotako amin’Andriamanitra?” (Dikanteny DIEM) Niaiky izy fa Andriamanitra no nahatafita azy ary tokony hanaja Azy hatrany izy na inona na inona zava-misy.
Na dia nanao ny marina aza nefa Josefa, dia voaendrikendrika, voaheloka, voaroaka tamin'ny asany ary nampidirina am-ponja izy. Mbola nanohy nanompo sy nanaja an'Andriamanitra hatrany nefa Josefa ary nanompo ireo manodidina azy na dia tao anatin'izany tsy rariny izany mihitsy aza izy. Dia mbola nomba azy hatrany Andriamanitra ary Nataony nahita fitia tamin'ny mpitandrina ny fonja izy.
Toa an'i Josefa dia mbola hisedra ny tsy rariny ihany koa isika amin'ny asantsika. Mila arovantsika ny toetrantsika manoloana ny asa izay ataontsika tsy hia-ratsy na dia mety hia-ratsy aza ny iainantsika. I Jesoa dia efa nilaza hoe: "Atỳ amin'izao tontolo izao no ahitanareo fahoriana; nefa matokia; Izaho efa naharesy izao tontolo izao." (Jaona 16:33). Tokony ho feno ny fanatrehan'i Jesoa Kristy hatrany isika amin'ny fotoana rehetra sy amin'ny toerana rehetra izay misy antsika. Rehefa izay dia hamokatra sy hamoa be ny asa izay ataontsika (Jaona 15:5).
Inona no afaka ataonao androany mba hahafahanao mahita ny fomba fijerin'Andriamanitra ny asa izay ataonao?
Vavaka
Ray o, misaotra ny amin'ny asa izay nomenao ahy. Misaotra fa nambininao sy notahianao aho. Ampio aho mba ho feno foana ny Fanatrehanao ahafahako manompo tsara ny afa na dia mety ho tsy misy manjary aza nefa ny manodidina anay. Ampio aho mba hifantoka tanteraka amin'i Jesoa na inona na inona zava-mitranga. Amin'ny anaran'i Jesoa. Amena.
Raha maniry ny handalina misimisy kokoa
Jereo hoe toy ny ahoana ny fomba ahitana ny lanja izay napetrak'Andriamanitra ho an'ny asanao. Jereo ity horonan-tsary ity (amin'ny teny Anglisy) izay atolotr'i Bonnie Wurzbacher, Filoha lefitry ny orinasa Coca-Cola teo aloha.
Soratra Masina
Mombamomba ity Planina ity
Maro amintsika olon-dehibe no mandany 50 isanjaton'ny androntsika amin ny asa. Tiantsika ho fantatra fa misy dikany ny asa-ary misy lanjany. Saingy ny rarintsaina, ny filàna ary ny adim-panahy dia mahatonga antsika hahita ny asa ho zavatra sarotra- zavatra tsy maintsy vitaina. Ity andalana planina vakiteny ity dia afaka manampy anao hahatasapa ny fahefanao hijery amin'ny lafy tsarany ny asanao raha aorinao ao amin ny finoana izany
More
