Bozala na bomoi ya Makasi mpe Mpiko!Mwa ndambo

“Azali kotonga bomoto mpo na kosunga biso na kokola”

Bomoto ya malamu ezali te eloko oyo tozwaka kaka nzela moko na lobiko, kasi ezali kokola mpe kotongama na boumeli ya tangu. Moko ya myango ya motuya ya Nzambe ezali kosalisa biso na Kotonga bomoto lokola oyo ya Klisto. Molimo-mosantu ezali kosunga biso mpo na kokoma lokola Yesu na kotonga mpe kokolisa bomoto na ye kati na biso. Biblya ebengaka yango mbuma ya Molimo.

“Kasi mbuma ya Molimo ezali: bolingo, esengo, kimia, kokanga motema, bondeko, kosala bolamu, kondima, boboto mpe komikanga. Mibeko epekisaka te makambo ya lolenge oyo.” Bagalatia 5:22-23

Nakati ya bampasi, tomekaka tangu mosusu kolonga na makasi na Biso moko. Kutu tokoki Kobebisa bomoto na biso ya Boklisto kaka mpo na kolonga mokakatano moko, “kozwa nzela ya mukuse”. Kasi tangu tozali kobelela na nguya ya Molimo-mosantu, ezali kosalisa biso na kozua lisalisi na sembo nyonso, bosolo mpe motema peto, atako ezali likambo ya lolenge Nini.

Na eleko ya elonga, mitinda ya Biblya esengeli kobongwana te. Lolendo Mpe lofundu ezali kobundisa penza bomoto ya Boklisto oyo Nzambe azali kolinga ete tokolisa kati ya bomoi na biso. Na yango, Bopolo ezali lisengami mpo ete moklisto nyonso akoka kokoba kozwa matomba epai ya Nzambe.

“Esengo na bato na komikitisa, pamba te bakozwa mokili lokola libula!” Matayo 5:5

Tangu tozali kobundisa mikakatano mpe bisengo na biso na bomoto ekokana na oyo ya Klisto, tozali kobanda kokola na kotambola na biso elongo na Nzambe. Tokobanda kutu Komona ete kosala makambu na boyokani na mbuma ya Molimo ezali komemela biso esengo mpe kokumisa Ye. Tangu tozali kokola na kotambola na biso elongo na Nzambe, Nzambe akobanda kopambola biso ya mingi koleka!