Bozala na bomoi ya Makasi mpe Mpiko!Mwa ndambo

“Mosala na Ye ezali mpo na moto na moto”

Uta na ebandeli ya bokeli, molimo mosantu ezali mpe efandaka kati na biso na bileko nyonso.

“Mokili ezalaki na lolenge te mpe ezalaki pamba. Molili ezalaki na likolo ya mozindo; mpe Molimo ya Nzambe azalaki kopepa na likolo ya mayi.” Ebandeli 1:2

Kasi mosala ya Molimo -mosantu ebandaki kotalela mundimi nyonso moko moko mpe kokoma penepene na ye kaka tangu Yesu asukisaki mosala na ye na ekulusu. Yesu ayebisaki bayekoli na ye yambo akufa ete, Molimo -mosantu ezalaki kati na bango kasi abandaki naino kofanda na bango te.

“Molimo ya solo, Molimo oyo mokili ekoki koyamba te mpo ete ezali komona Ye te to eyebi Ye te. Kasi bino, boyebi Ye, pamba te azali elongo na bino mpe azali kati na bino. Nakotika bino te lokola bana bitike; nakozongela bino.”Yoane 14:17-18

Pene na liwa na Ye, Yesu alakaki bayekoli na ye ete akokoba kozala na bango na elimo, na nzela ya Molimo -mosantu oyo ekozala kati ya bomoi na bango. Mosala oyo Yesu abandaki kati ya bomoi na biso ezali kokoba na Molimo -mosantu. Nzambe azali kosalela Molimo -mosantu kati na biso mpo na kokokisa makambu minei:

1. Azali kokomisa lobiko eloko oyo etali biso moko.

2. Azali kopesa bino likoki ya kozala na bomoi ya elonga.

3. Azali kotonga bomoto ya Baklisto mpo na kokolisa biso.

4. Azali kosala makambo nyonso mpo na bolamu na bino.