Bozala na bomoi ya Makasi mpe Mpiko!Mwa ndambo

“Otikala kozala yo moko te”

Balobaka ete bomoi ezalaka na mikakatano ya ndenge na ndenge, bileko ya bisengo mpe ya bilaka esangana na bileko ya ntembe mpe mikakatano. Bomoi ezalaka kaka te komata tii na songe, kasi ezali nzela ya bangomba ya mike mpe mabwaku. Moto nyonso, ezala mondimi to mopagano, azalaka na bileko ya malamu mpe ya mabe.

Kasi lokola tozali Baklisto, tozwaki elaka moko ya Kokamwisa epai ya Nzambe: Tokozala biso moko te mpo na kobunda na tangu ya mikakatano ya bomoi. Botala maloba ya kolendisa oyo alobelaki biso:

“Boyika mpiko mpe bozala na molende, bobanga bango te mpe bozala na somo te liboso na bango; pamba te Yawe, Nzambe na bino, azali elongo na bino, akotika bino te mpe akobwaka bino te.” Deteronomi 31:6

Likambo ya solo ezali ete tozali na mposa ya Nzambe na batangu ya mikakatano mpe ya esengo. Na koyeba ete Nzambe azali na biso, tokomona mikakatono nyonso oyo tokokutana na yango lokola nzela oyo ekomema biso na Elonga kasi te lokola kokitisama na bolembu.

Ngomba moko te ezali molayi koleka to lobwaku moko te ezali mozindo koleka mpo na kopekisa biso tokutana na Nzambe te. Ezala tangu nyonso oyo tozali na yango, Nzambe azali sembo mpe Azali kaka na biso!