Bozala na bomoi ya Makasi mpe Mpiko!Mwa ndambo

“Nzambe aye epai na Yo!”

Elaka ya bomoi ya seko ezali elembeteli ya koya ya Nzambe epai na biso, kasi ezali te elembeteli ya milende ya bato mpo na koluka mpe kokuta nzambe na mosika.

Uta na ebandeli ya nyonso, Nzambe alingaka biso na bolingo moko oyo ezanga masengami mpe ya seko. Mposa na Ye ya yambo ezali ya kozala na boyokani ya makasi mpe ya sembo na mokomoko na biso. Kasi, ntangu Adamu na Eva batombokelaki ye na elanga ya Eden, lisumu na bango etyaki ndelo kati na biso na Nzambe. Tozalaki ya kokabwana na Ye mpo na libela.

Na esika atika biso na bokabwani na Ye, Nzambe abandaki mwango ya kozongisama likolo ya bolingo mpe mawa ezanga suka mpo na biso. Ntina ya mwango na Ye ezali ya kozongisa bandenge nyonso ya boyokani na mokili Atako oyo ya kobombama, kaka denge ezalaka yambo ete Adamu na Eva bakweisama na lisumu.

Bambula eleki 2000, Nzambe atindaki mwana na Ye awa na mabele mpo na kolongola ndelo oyo etyamaki na lisumu mpe komemela bato nyonso lobiko.

“Pamba te Nzambe alingaki mokili mingi penza, yango wana apesaki Mwana na Ye se moko, mpo ete moto nyonso oyo akondima Ye akufa te kasi azwa bomoi ya seko. Nzambe atindaki Mwana na Ye kati na mokili mpo ete akatela yango etumbu te, kasi mpo ete abikisa yango.” Yoane 3:16-17

Na nzela ya liwa mpe lisekwa na ye, Yesu afuti na esika na biso etumbu ya lisumu mpe alongoli bandelo oyo ezalaki kati na biso na Nzambe. Bolimbisi yango ezali mpo na oyo nyonso azali kondimela Ye lokola mobikisi.

Kasi ezali nde ebandeli. Yambo ya kosilisa tangu na ye awa na mabele liboso ya kozonga epai ya tata na ye ya likolo, Yesu alimboleli bayekoli na ye likambu moko ya ntina ya mwango monene ya Nzambe oyo ezali na mokano ya kozongisa mokili mobimba epai na Ye moko:

“Kati na ndako ya Tata na Ngai, bisika ezali mingi. Soki ezalaki bongo te, boni, nalingaki koyebisa bino ete nakeyi kuna mpo na kobongisela bino esika? Mpe, sima na Ngai kobongisa yango, nakozonga mpe nakozwa bino mpo ete bozala elongo na Ngai; mpe mpo ete bino mpe bozala na esika oyo Ngai nazali.” Yoane 14:2-3

Nzambe atindaki Yesu mpo nakolongola bandelo ya lisumu kaka te, kasi na mikolo oyo ezali koya, Yesu akozonga mpo na komema bandimi nyonso na “ndaku” mpo bazala elongo na Ye mikolo nyonso.