ដំណើរស្វែងរុករកគំរូ

យើងបានរំឭកសំណួរពីរ ក្នុងចំណោមសំណួរសម្រួលតម្រូវទាំងប្រាំ របស់យើង៖ ១) តើអ្នកនៅឯណា? និង ២) តើនរណាប្រាប់អ្នកថាដូច្នេះ? មកដល់សំណួរទីបីរបស់យើង គឺថា ព្រះយេស៊ូបានសួរសំណួរនេះ នៅក្នុង យ៉ូហាន ១៖៣៨ «តើអ្នកកំពុងស្វែងរកអ្វី?»។ ទ្រង់មិនឆ្ងល់ ក៏មិនភ្ញាក់ផ្អើលចំពោះការឆ្លើយតបរបស់យើងចំពោះព្រះអង្គ ជាមួយនឹងសម្ដី ដែលយើងគិតថាទ្រង់ចង់ស្ដាប់ពីយើងនោះឡើយ។ ព្រះយេស៊ូទ្រង់ពិតជាអាចទ្រាំទ្រ និងអាចស្ដាប់នូវរាល់អ្វីៗ ដែលយើងប្រាប់ទ្រង់ ដោយត្រង់ៗនោះ។ ទ្រង់ជ្រាប់នូវចម្លើយពិតប្រាកដចំពោះសំណួរ ដែលបានសួរនោះ៖ «តើអ្នកកំពុងស្វែងរកអ្វី?» ហើយនៅពេលដែលមានសំណួរនេះ នោះគឺទ្រង់ជ្រាបថាយើង ពិតជាកំពុងមាន "បញ្ហា" ហើយ។ ឬកំពុងប្រឈមវិបត្ដិសេដ្ឋកិច្ច។ វិបត្ដិសុខសុវត្ថិភាព។ ឬបញ្ហានៃតណ្ហា។ ឬការធ្លាក់ទៅក្នុងការសេពគ្រឿងញៀន។ មានពេលខ្លះ ទីបន្ទាល់ដ៏មានអានុភាព នោះអាចរឿងថា៖ «ខ្ញុំកំពុងស្វែងរក ___________________ ហើយឥឡូវខ្ញុំបានរកឃើញអង្គព្រះយេស៊ូ។»

ស្រ្ដីសាសន៍សាម៉ារី នៅក្នុង យ៉ូហាន ៤ មិនបានមកកន្លែងអណ្ដូង ដោយសារគាត់ចង់បានព្រះយេស៊ូនោះទេ។ គាត់មក ដោយសារគាត់ចង់បានទឹក ដូច្នេះនៅទីនោះ ព្រះយេស៊ូ បានណែនាំឱ្យគាត់ស្គាល់នូវទឹកដ៏រស់ វិញ។ គាត់មិនត្រូវបានរើសអើង រងការមិនខ្វាយខ្វល់ ដោយសារគាត់ចង់បានអ្វីដែលខុសឆ្គងទេ។ ព្រះយេស៊ូបានប្រើប្រាស់អ្វីដែលគាត់គិតថា គាត់កំពុងស្វែងរក ដើម្បីនាំឱ្យគាត់ទៅជួបអ្វីដែលក្រអៅដួងចិត្ដរបស់គាត់ត្រូវការ ទាំងស្រេកឃ្លានចង់បាននោះទៅវិញ៖ ព្រះសង្គ្រោះដែលអាចបញ្ឈប់នូវភាពឆ្កួតឡប់សតិ ទាំងអាចអត់ឱនទោសឱ្យ និងផ្ដល់ឱ្យគាត់ទទួលបាននូវសេចក្ដីថ្លៃថ្នូរ ស្គាល់អត្ដសញ្ញាណរបស់គាត់នោះទៅវិញ។ ព្រះសង្គ្រោះ ជាព្រះនៃសេចក្ដីសន្យា គឺជាអង្គ ដែលស្គាល់រូបអ្នកពិត ហើយយល់ដឹងពីរឿងរ៉ាវ ហើយមិនអនុញ្ញាតឱ្យអ្នកបំភ័ន្ដទ្រង់ បង្វែរព្រះអង្គចេញពីតម្រូវការពិតរបស់អ្នកនោះឡើយ។

ក្នុងន័យដូចគ្នា ប្រៀបដូចជា លោក សូល ផងដែរ។ គាត់គិតថា គាត់ពិតចង់តែចាប់មនុស្សដែលជឿព្រះយេស៊ូ នៅពេលដែលគាត់ប្ដេជ្ញាចិត្ដ ធ្វើដំណើរទៅចាប់ពួកគេ នៅតាមផ្លូវ ទៅកាន់ក្រុងដាម៉ាស នោះ។ គាត់មិនធ្វើដំណើរទៅចាប់ចង ប្រមាញ់ព្រះយេស៊ូទេ។ គាត់ចង់តែប្រមាញ់អស់អ្នកដែលដើរតាមព្រះយេស៊ូតែប៉ុណ្ណោះ។ ហើយអ្នកឃើញអត់? អ្នកដែលពូកែសួរ អ្នកដែលពូកែប្រព្រឹត្ដ គេក៏ទទួលបាននូវអ្វីដែលគេខំស្វែងរកនោះដែរ។ អ្នកដែលខំស្វែងរក គេក៏ទទួលបានអ្វីផ្សេងពីអ្វីដែលគេខិតខំស្វែងរកនោះផងដែរ។ ទ្វារបើកចំហទៅកាន់អស់អ្នកដែលកំពុងតែគោះ ទោះបើគេមិនរំពឹងថាមាននរណាមកបើកទ្វារឱ្យក៏ដោយចុះ។ ព្រះទ្រង់ឃើញនូវអ្វីដែលជាសេចក្ដីប្រាថ្នាចង់បានរបស់យើងនាឯលោកិយនេះ ហើយទ្រង់ក៏ជ្រាបយល់មុនយើង នូវអ្វីដែលយើងចង់បានជាងគេ នៅពេលដែលយើងធ្វើដំណើរឆ្លងកាត់ដល់ទីផ្ដាច់ព្រ័ត្រនោះដែរ។ អេសាយ ៤៦៖១០ បានភ្ជាប់មកនូវគោលគំនិតដែលស្ថិតនៅក្នុងផ្នែកដ៏ធំមួយនៃការស្វែងរុករករបស់យើង៖ ព្រះជាម្ចាស់ទ្រង់ជ្រាបយល់ពីទីបញ្ចប់ ចំពោះរាល់ទីចាប់ផ្ដើមទាំងឡាយ។ ឃ្លាពាក្យទាំងប៉ុន្មាននេះ ពិតជាជួយឱ្យយើងអាចធ្វើអ្វីហួសប្រមាណមែន ប្រសិនបើយើងពិតជាត្រូវរត់ប្រឡងប្រជែង នៅក្នុងដំណើរជីវិត។ ការដឹងមុននេះ នឹងជួយឱ្យអ្នកស្វែងរុករក មាននូវទំនុកចិត្ដខ្ពស់ ចំពោះដំណើរផ្សងព្រេងរបស់គេ។

តើមាននូវបំណងចិត្ដអ្វីខ្លះ ដែលកំពុងដុតរោលនៅក្នុងដួងចិត្ដរបស់អ្នក? តើអ្នកកំពុងប្រាថ្នាចង់បានអ្វីដែរ? តើមានការនិងទង្វើអ្វីខ្លះហើយ ដែលដំណើរទៅ ដោយមិនបាននាំឱ្យអ្នកស្កប់ចិត្ដនោះ? ចូរសរសេរទៅកាន់ព្រះជាម្ចាស់ ហើយប្រាប់ទ្រង់រាល់អ្វីៗដែលអ្នកកំពុងប្រាថ្នាចង់បាន។ ប្រាប់ទ្រង់ពីអ្វីដែលអ្នកកំពុងស្រេកឃ្លាន។ ប្រាប់ទ្រង់នូវអ្វីដែលដួងចិត្ដប្រាថ្នារបស់អ្នក បង្កឱ្យអ្នកប្រព្រឹត្ដទៅតាមចិត្ដរបស់វានោះ។ អ្នកប្រហែលជាអាចនឹងស្គាល់ថាព្រះជាម្ចាស់បានដាក់នូវសេចក្ដីប្រាថ្នាមួយចំនួននៅក្នុងដួងចិត្ដរបស់អ្នក ដោយស្នាព្រះហស្ដរបស់ទ្រង់ផ្ទាល់ ផងដែរ។

ចូរអាននូវពាក្យពេចន៍ មាននៅក្នុង ទំនុកតម្កើង ៣៨៖៩ ឱ្យឮៗ ទៅកាន់អង្គព្រះយេស៊ូ ក្នុងខណៈដែលអ្នកបញ្ចប់នូវគម្រោងអាននៅថ្ងៃនេះ។ ចូរសញ្ជឹងត្រិះរិះលើព្រះបន្ទូលនេះ។ ចូរទន្ទេញឱ្យចាំព្រះបន្ទូលនេះ។ ចូរអនុញ្ញាតឱ្យសេចក្ដីពិតនេះ មានទីតង់ បង្កើតជាទីកន្លែងឱ្យអ្នកអាចសម្រាក ក្នុងខណៈដែលអ្នកបន្តដំណើររបស់អ្នកតទៅមុខទៀត។