ចងចាំនូវរាល់អ្វីៗដែលព្រះជាម្ចាស់បានធ្វើគំរូ

របៀបមួយដែលព្រះជាម្ចាស់ទ្រង់អភិវឌ្ឍយើងរាល់គ្នា នោះគឺតាមរយៈគតិបណ្ឌិតរបស់បងប្អូនដទៃផ្សេងទៀត ដែលស្របទៅតាមព្រះប្រាជ្ញាញាណនៃព្រះ ហើយការបង្រៀននោះ បានបង្ហាញឲ្យយើងឃើញ តាមរយៈមនុស្សដែលយើងយកជាគំរូដែរ។ នៅក្នុងអត្ថបទគម្ពីរ ១ ពេត្រុស ៥៖១-១១ គឺជាអត្ថបទគម្ពីរមួយ ដែលសង្កត់ធ្ងន់ទៅលើសារៈសំខាន់នៃការផ្ដល់ដំបូន្មាន ទៅកាន់អ្នកដទៃ ហើយនិងការត្រៀមចិត្ដឲ្យយើងអាចឲ្យព្រះជាម្ចាស់ប្រើប្រាស់យើង ដើម្បីជួយសូនឲ្យអ្នកដទៃ បានក្លាយដូចជារូបអង្គរបស់ព្រះផង។ តើនរណាខ្លះដែលជាអ្នកជួយផ្ដល់ដំបូន្មាននៅក្នុងជីវិតរបស់បងប្អូន ហើយពួកគាត់បានជួយដល់បងប្អូន ដើម្បីឲ្យបងប្អូនអាចមានលក្ខណៈដូចសព្វថ្ងៃ ក្នុងទំនាក់ទំនងរបស់បងប្អូនជាមួយនឹងអង្គព្រះគ្រិស្ដ? អ្នកនោះប្រហែលជា អ្នកផ្ដល់ដំបូន្មាន គ្រូបង្រៀន គ្រូគង្វាល សមាជិកគ្រួសារណាម្នាក់ ឬ ប្រហែលជាមិត្ដជិតស្និទ្ធដែលបានដាក់ទុន តាមរយៈ បញ្ញា ចំណេះដឹង និង បទពិសោធន៍របស់ពួកគាត់មកកាន់ក្នុងជីវិតរបស់បងប្អូន។ ចូរចំណាយពេលក្នុងការចងចាំនូវមនុស្សសំខាន់ៗទាំងនោះ ដែលព្រះជាម្ចាស់ទ្រង់បានបញ្ជូនមកក្នុងជីវិតរបស់បងប្អូន។ ចូរកុំភ្លេចនូវការដាក់ទុនរបស់ពួកគាត់ ដែលបានធ្វើក្នុងជីវិតរបស់បងប្អូននោះឡើយ។