ចងចាំនូវរាល់អ្វីៗដែលព្រះជាម្ចាស់បានធ្វើគំរូ

ទំនុកតម្កើង ៩១ ថ្លែងអំពីសេចក្ដីស្មោះត្រង់របស់ព្រះជាម្ចាស់។ នៅក្នុងទំនុកតម្កើងនេះ យើងអានលើការថ្លែង ថាព្រះជាម្ចាស់ គឺជាទីជម្រករបស់យើង។ ទ្រង់គឺជាកំពែងការពាររបស់យើង។ ហើយទ្រង់មើលថែការពារយើង។ ទំនុកតម្កើងមួយជំពូកនេះ បើសង្ខេបសរុបទៅ គឺថ្លែងប្រាប់ឲ្យយើងយល់ច្បាស់ប្រាកដពីសេចក្ដីពិតមួយ៖ ព្រះជាម្ចាស់ទ្រង់តែងតែស្មោះត្រង់ មិនថាកាលៈទេសៈ និងក្នុងស្ថានភាពណាក៏ដោយ។ ទ្រង់គង់នៅក្បែរយើង មិនថាឡើយ ពេលល្អ និង ពេលអាក្រក់នោះទេ។ ទ្រង់គង់នៅក្បែរ ទោះជាពេលដែលអ្នកមានអារម្មណ៍ថាទ្រង់នៅឆ្ងាយក៏ដោយចុះ។ ដំណើរជីវិតមនុស្សម្នាក់ៗក្នុងជីវិតនេះ មានលក្ខណៈខុសប្លែកទីទៃពីគ្នា ក្នុងដំណើរលូតលាស់នៅក្នុងអង្គព្រះគ្រិស្ដ ប៉ុន្តែសេចក្ដីស្មោះត្រង់របស់ព្រះជាម្ចាស់ នៅតែដដែលជានិច្ច។ តើបងប្អូនបានទទួលនូវបទពិសោធន៍នៃភាពស្មោះត្រង់របស់ព្រះជាម្ចាស់ មួយគ្រាៗក្នុងជីវិតរបស់បងប្អូន យ៉ាងដូចម្ដេចដែរ? ចូរចំណាយពេលថ្ងៃនេះ ក្នុងការចងចាំនូវសេចក្ដីស្មោះត្រង់របស់ព្រះអង្គ និង គិតពីភាពស្មោះត្រង់នោះ ដែលបានស្ដារនិងនាំឲ្យបងប្អូនអាចឆ្លងផុតដំណាក់កាលនីមួយៗនៃជីវិតនោះ។ អរព្រះគុណដល់ព្រះជាម្ចាស់ ចំពោះសេចក្ដីស្មោះត្រង់របស់ព្រះអង្គ ហើយចូរមានការកំសាន្តចិត្ដឡើង ដោយដឹងថា ព្រះអង្គទ្រង់គង់នៅក្បែរនិងនៅជាមួយបងប្អូនជានិច្ច។