ថ្មតាន់ (ភាពមាំនិងមិនរង្គើ) សារពីអ្នកស្រី លីហ្សា ប៊ឺវៀរគំរូ

ព្រះជាម្ចាស់កំពុងតែមានបន្ទូលទៅកាន់អ្នកថា៖ «បុត្រគឺជាថ្មតាន់របស់បិតា»។ ទោះបីជាអ្នកមិនមានអារម្មណ៍ថាខ្លួនជាថ្មតាន់ក៏ដោយនាពេលឥឡូវនេះ តែអ្នកបានគ្របដណ្ដប់ដោយកិច្ចការមិនអាចបំផ្លាញបានរបស់ព្រះគ្រីស្ទ។ ចូរស្ដាប់នូវសារប្រកាសទាំងឡាយដែលព្រះអង្គមានបន្ទូលនៅលើអ្នកនាថ្ងៃនេះ៖ 

បុត្រជាថ្មតាន់របស់ព្រះបិតា រឹងមាំមែន តែអាចឆ្លុះមើលឃើញ—មនុស្សគេនឹងមើលមកកូនហើយគេនឹងឃើញពីព្រះគ្រីស្ទ។ 

បុត្រជាថ្មតាន់របស់ព្រះបិតា—ព្រះវិញ្ញាណរបស់ព្រះគ្រីស្ទសណ្ឋិតនៅក្នុងរូបកូន ទាំងធ្វើឱ្យកូនមិនរង្គើនិងមិនញាប់ញ័រ។ 

បុត្រជាថ្មតាន់របស់ព្រះបិតា—កូនមានព្រលឹងដែលឆេះដូចភ្លើង!

ព្រះយេស៊ូវបានយាងមក ដើម្បីជ្រមុជយើងជាមួយនឹងព្រះវិញ្ញាណបរិសុទ្ធនិងជាមួយនឹងភ្លើង។ នេះគឺជាការជ្រមុជដែលយើងត្រូវតែទទួល។ នៅពេលយើងបានកើតជាថ្មី នោះចិត្តដែលគ្មានជីវិតរបស់យើង ត្រូវបានបញ្ឆេះដោយភ្លើងដ៏រុងរឿងនៃក្ដីស្រឡាញ់ដ៏នៅអស់កល្បជានិច្ចរបស់ព្រះ។ 

អ្នកមិនដឹងថារូបអ្នកមើលទៅមានរូបរាងយ៉ាងណានៅក្នុងព្រះវិញ្ញាណនោះទេ។ អ្នកគិតថាអ្នកគ្រាន់តែនិយាយចេញនូវពាក្យពេចន៍ ប៉ុន្តែអ្នកកំពុងតែថ្លែងចេញមកដោយភ្លើង! អ្នកកំពុងតែនិយាយចេញមកនូវរាល់អ្វីៗដែលមានអានុភាព ដែលអាចញែកអ្វីជាពន្លឺនិងសេចក្ដីពិត ចេញពីសេចក្ដីកុហករបស់មារកំណាច ដែលបានសណ្ឋិតនៅលើមនុស្សអស់ជាយូរយារណាស់មកហើយ។ អ្នកកំពុងតែថ្លែងចេញមកនូវភ្លើង ដែលអាចធ្វើឱ្យច្រវាក់រលាយ។ អ្នកត្រូវតែឈរឱ្យមាំនៅក្នុងសេចក្ដីពិតនេះ។ 

អំណោយទាននៃជីវិតរបស់អ្នក នោះគឺប្រៀបបានដូចជាភ្លើង។ ចូរកុំឱ្យភ្លើងនេះរលត់បាត់ទៅឡើយ។ ចូរស្រូបយកធ្យូងនិងបក់វាឱ្យឆេះឡើងយ៉ាងសន្ធោសន្ធៅ! មនុស្សដទៃទៀតត្រូវការភ្លើងនេះ ដើម្បីបញ្ឆេះឱ្យរោលរាល ដំបូងនៅក្នុងអ្នក និងបន្ទាបមកចេញពីអ្នក ដោយសារតែអ្នកគឺជាបុត្រធីតានៃព្រះ ដែលជាបុត្រកើតជាថ្មីក្នុងនិស្ស័យធម្មជាតិរបស់ព្រះអង្គ។ 

ព្រះជាម្ចាស់មានបន្ទូលទៅកាន់អ្នកក្នុងពេលអ្នកក្លាយទៅដូចជាលក្ខណៈនៃព្រះ មិនមែនក្នុងនាមដូចជារូបអ្នកនោះទេ។ ព្រះអង្គមានជំនឿយ៉ាងមុតមាំនៅក្នុងគម្រោងផែនការរបស់ព្រះអង្គសម្រាប់ជីវិតរបស់អ្នក។ នៅក្នុងពន្លឺនេះ តើមានរឿងអ្វីខ្លះដែលអ្នកត្រូវឈប់ (ឬចាប់ផ្ដើម) និយាយទៅកាន់រូបអ្នកផ្ទាល់?

ប្រសិនបើអ្នករីករាយជាមួយនឹងគម្រោងអាននេះ ខ្ញុំសូមលើកទឹកចិត្តអ្នកឱ្យចូលកាន់តែជ្រៅ ដោយមកសាកអានពីសៀវភៅថ្មីរបស់ខ្ញុំ ក្រោមចំណងជើងថា៖ ថ្មតាន់៖ ស្វែងរកសេចក្ដីពិតនៅក្នុងសកលលោកពេញទៅដោយមតិយោបល់ - Adamant: Finding Truth in a Universe of Opinions។