ថ្មតាន់ (ភាពមាំនិងមិនរង្គើ) សារពីអ្នកស្រី លីហ្សា ប៊ឺវៀរគំរូ

គ្មាននរណាម្នាក់រីកចម្រើនលូតលាស់ឡើង ដោយពុំបានទទួលរងនូវការប៉ះពាល់ពីភាពងងឹតឡើយ។ យើងរាល់គ្នាសុទ្ធតែធ្លាប់បានឮពីសំឡេងនៅក្នុងកម្រិតណាមួយ ទាំងរឿងចោទប្រកាន់ និងការដាក់តែមមកលើខ្លួនឯង។ ធំជាងគេបង្អស់ ប្រសិនបើមិនទាំងអស់នោះទេ គឺយើងបានផ្ដល់តែមមួយមកលើខ្លួនយើងផ្ទាល់ផងដែរ—គឺយើងឱ្យអត្តសញ្ញាណខុសឆ្គងដែលយើងស្បថថាវាជារឿងពិតចំពោះខ្លួនឯង។ 

នៅពេលព្រះជាម្ចាស់យាងមកជិតរូបយើង នោះមិនមែនព្រះអង្គយាងមកដើម្បីថ្កោលទោសយើងទេ ប៉ុន្តែគឺដើម្បីនាំយើងឱ្យចូលទៅជិតស្និទ្ធនឹងព្រះអង្គ ជាប្រយោជន៍ឱ្យយើងអាចឮពីព្រះសូរសៀងរបស់ព្រះអង្គ ដែលទ្រង់ប្រកាសពីសេចក្ដីពិត ថាយើងជានរណាពិតប្រាកដ នោះវិញ។ 

សេចក្ដីពិតនោះគឺថា៖ យើងមិនមែនជាភាពងងឹតនៃអតីតកាលរបស់យើងទេ។ ហើយយើងមិនមែនកំណត់ដោយកំហុស ភេទ ឬអ្វីៗដែលនៅពីក្រៅរូបយើងដែរ។ ជួសវិញ យើងគឺជាវិញ្ញាណ ដែលបានបង្កើតមកក្នុងរូបអង្គនៃព្រះ ដែលបានច្នៃសម្រាប់ភាពស្និទ្ធស្នាលជាមួយនឹងព្រះ ហើយព្រះបានប្រទានខ្យល់ដកដង្ហើមមកឱ្យយើង។ 

យើងមើលលែងឃើញពីអត្តសញ្ញាណរបស់យើង នៅពេលណាដែលយើងភ្ជាប់អត្តសញ្ញាណនោះទៅលើអ្វីដែលខុសឆ្គង។ ហេតុដូច្នេះហើយបានជាព្រះនឹងដកហូតតែម (ចិត្តគំនិតជឿ) ដែលយើងបានយកមកដាក់ពីលើខ្លួន នៅតាមដំណើរជីវិតរបស់យើង។ ព្រះវិញ្ញាណនៃព្រះធ្វើការនៅក្នុងទីជម្រៅនៃចិត្តរបស់យើង។ ព្រះអង្គដកយកចេញនូវរាល់អ្វីៗដែលចាស់ និងពន្លាត់ឱ្យឃើញនូវអ្វីៗដែលនៅលាក់កំបាំងនៅឡើយ។ 

ប្រហែលវាជាក្ដីភ័យខ្លាច និងអសន្តិសុខ ដែលបានបង្កឱ្យអ្នកបដិសេធចំពោះកិច្ចការដែលព្រះធ្វើនៅក្នុងជីវិតរបស់អ្នក។ ប៉ុន្តែនៅថ្ងៃនេះ ព្រះកំពុងតែមានបន្ទូលទៅកាន់ទីកន្លែងអស់ទាំងនោះ ដែលអ្នកធ្លាប់បានគិតថា វានៅឯទីដាច់ស្រយាល។ ហើយព្រះអង្គកំពុងតែស្នើនិងប្រទានឱ្យអ្នក អាចប្រែវាទៅជាសួនដ៏ស្រស់សោភា សាជាថ្មីវិញ។ 

ប៉ុន្តែយើងត្រូវតែហ៊ានសុខចិត្ត អនុញ្ញាតឱ្យព្រះញែកពន្លឺចេញពីភាពងងឹង ដែលមាននៅក្នុងជីវិតរបស់យើង។ ព្រះជាម្ចាស់ពុំអនុញ្ញាតឱ្យសេចក្ដីកុហក ដែលធ្លាប់ថ្លែងមកលើរូបអ្នក នៅបន្តរេរានៅលើជីវិតរបស់អ្នកតទៅទៀតឡើយ។ ព្រះអង្គពុំអនុញ្ញាតឱ្យអ្វីដែលអ្នកធ្លាប់បានថ្លែងទៅលើខ្លួនអ្នកផ្ទាល់ ក្លាយជាសេចក្ដីបញ្ជាក់ចុងក្រោយ នៅលើជីវិតរបស់អ្នកដែរ។ ជួសវិញ ព្រះអង្គនឹងយាងមកជិតអ្នក ដើម្បីឱ្យព្រះអង្គអាចបង្ហាញពីអ្វីមួយថ្មី ក្នុងរបៀបយ៉ាងស្និទ្ធស្នាល នៅក្នុងរូបអ្នក ដែលវានឹងនាំការព្យាបាលពេញលេញទៅដល់ផ្នែកទាំងឡាយ ដែលកំពុងតែឈឺចាប់ ហើយរំដោះឱ្យអ្នកមានសេរីភាព ដើម្បីឱ្យអ្នកអាចរស់នៅក្នុងសេចក្ដីពិត ថាអ្នកជានរណាតាមអ្វីដែលព្រះអង្គមានបន្ទូល។ 

ព្រះជាម្ចាស់ពិតជាចង់នៅស្និទ្ធស្នាលយ៉ាងឥតរង្គើរួមជាមួយនឹងអ្នក។ ព្រះអង្គនឹងយាងទៅចំទីចំណុចស្នូលនៃការឈឺចាប់របស់អ្នក ដើម្បីព្យាបាលអ្នក ប៉ុន្តែអ្នកត្រូវតែអនុញ្ញាតឱ្យព្រះអង្គធ្វើការ។ តើការអស្ចារ្យនេះអាចមានរូបរាងយ៉ាងណានៅក្នុងជីវិតរបស់អ្នក?