Að upplifa endurnýjun GuðsSýnishorn

Fyrra Korintubréf 6:19-20 minnir okkur á mikilvægi þess að endurnýja það sem er innra með okkur en minnir okkur einnig á mikilvægi þess að endurýja það sem er fyrir utan okkur. Leiddu hugann að því um stund. Líkami okkar er musteri heilags anda og við eigum því að koma fram við líkama okkar af virðingu. Myndir þú leyfa kirkjubyggingunni þinn að grotna niður og skemmast? Auðvitað ekki! Ef laga þyrfti kirkjuna þína þá myndir þú gera það þannig að hún gæti lýst sem viti og vitnað um kærleika Guðs í samfélaginu. Að sama skapi eigum við að hugsa vel um líkama okkar til þess að við getum uppfyllt tilgang Guðs fyrir líf okkar. Á hvaða hátt þarft þú að endurnýja líkama þinn? Endurnýjun gæti litið ólíkt út fyrir okkur öll. Fyrir sum okkar gæti það þýtt meiri líkamsrækt eða breytt matarræði. Fyrir aðra gæti það þýtt að leyfa Guði að endurnýja þig frá gamalli synd á kynferðissviðinu. Reyndu að komast að því á hvaða sviði þú þarft á líkamlegri endurnýjun að halda og leyfðu Guði að byrja lækningu sína í lífi þínu.