Nye Chineke Ọnọdụ MbụIhe Atụ

“Iji Enyemaka nke Chineke Emeri Agha nke Ndụ”

E nwere agha nke ogologo ndu nke a na-alụso ndụ anyị. N'otu akụkụ bụ mmetụta nke ọdịdị mmehie ochie ahụ – ọchịchọ ochie ahụ na-adite aka, ọnwụnwa na mmehie ndị sirilarị anyị ike imeri. Ka oge n’aga ka anyị na-etolite n'ije anyị na Chineke, mmetụta nke ọdịdị mmehie na-adalata. N’akụkụ nke ọzọ bụ mmetụta na-eto eto nke ọnụnọ nke Mmụọ Nsọ na ndụ anyị. Ndị a bụ ike abụọ na-emegide dị ka akọwara na Ndi Galetia:

“Ma asim, Nējegharinu site na Mọ Nsọ, unu agaghi-emezu kwa agu nke anu-aru maọli. N'ihi na agu nāgu anu-aru megide Mọ Nsọ, agu nāgu kwa Mọ Nsọ megide anu-aru; n'ihi na ndia nēmegide onwe-ha; ka unu we ghara ime ihe ndia ọ bula unu nāchọ ime.” Ndi Galentia 5:16-17

Okwu Chineke na-agba anyị ume “ibi ndụ site na Mmụọ Nsọ.” N'ikwu ya n'ụzọ ọzọ, anyị aghaghị ikwe ka mmetụta nke Mmụọ Nsọ merie mmetụta nke ọdịdị mmehie na ndụ anyị.

Ọtụtụ oge, nke a dị mfe okwukwu karịa ime. Àgwà mmehie anyị na-akpali anyị inwe mkpebi iji mejuo nanị ọchịchọ ọdịmma onwe. Nke a ka a na-akpọ ọnwụnwa, Jemes kọwakwara ya otú a:

“Ka onye ọ bula ghara isi, mb͕e anānwa ya, Anēsite n'aka Chineke anwam: n'ihi na Chineke bu Onye anāpughi iwere ihe ọjọ nwa Ya, Ya onwe-ya adighi-anwa kwa onye ọ bula: 'kama anānwa onye ọ bula mb͕e agu ihe ọjọ nke aka ya nādọkpufu ya, ewe rafue ya.” Jemes 1:13-14

Ọ bụghị nanị mgbe anyị nwere mkpebi ịdaba n’ọnwụnwa, ka ọ bụghị mmehie.

“Mb͕e ahu agua ihe ọjọ ahu, mb͕e ọ tuworo ime, o we muputa nmehie: nmehie ahu, mb͕e o tozuru okè, o we muputa ọnwu.” Jemes 1:15

Otú ọ dị, n’ụzọ dị ịtụnanya, dị ka akụkụ nke ịhụnanya na amara dị omimi nke Chineke e nyere Ndị Kraịst nile, Chineke na-agbaghara anyị ma sachapụ anyị na mmehie anyị nile. Agbagharala anyị 100% kpamkpam.

“Ọ buru na ayi ekwuputa nmehie-ayi, Ọ bu Onye kwesiri ntukwasi-obi, buru kwa Onye ezi omume, ka O we b͕aghara ayi nmehie-ayi, sachapu kwa ayi ajọ omume nile.” I Jọn 1:9

Ma, a ka nwere ihe ize ndụ dị n’ikwe ka a ghara ịchịkwa mmehie. Ọ bụ ezie na Chineke na-agbaghara anyị ma mee ka anyị dị ọcha, Ọ dighi ewepụ ụzọ mbibi nke ihe ga-esi na ya pụta na ọnọdụ mmehie hapụrụ. Ọ bụ ezie na Chineke na-enyere anyị aka mgbe nile n’oge ihe isi ike, n’agbanyeghi ma ọ bụ mkpebi anyị mere, ụzọ kasị mma anyị g’esi mee bụ ime ihe nile anyị pụrụ ime iji zere inwe mkpebi ndị ahụ ma ọli ma ọli.

1 Ndị Kọrint na-akọwa akụkụ abụọ dị mkpa n'imegide ọnwụnwa na mmehie nke ọma:

“Ọ dighi ọnwunwa ọ bula nwaworo unu ma-ọbughi nke madu nānagide: ma Chineke kwesiri ntukwasi-obi, Onye nāgaghi-ekwe ka anwa unu kari nke unu puru inagide; kama n'oge ọnwunwa ahu Ọ gēme kwa uzọ nb͕apu, ka unu we nwe ike inagide ya.” I Ndi Kọrint 10:13

Nke mbụ bụ na anyị anọghị naanị anyị na ndọga anyị. Ị pụrụ ịma na e nwere Ndị Kraịst ndị ọzọ, ma ọ̀ bụ ụbọchị 30 ma ọ bụ afọ 30 ha so Chineke na-eje ije, ndị ka na-alụso udi mmehie na ọnwụnwa ndi na-abịara gị ọgụ.

Nke abụọ, bụ na Chineke agaghị ekwe ka a nwaa anyị karia ebe anyị na-apụghị ime mkpebi iji zere mmehie. Ọ ga-enye ụzọ mgbapụ mgbe niile. Ọrụ anyị, n'agbanyeghị na ọ siri ike, bụ ịchọta ụzọ mgbapụ ahụ n'etiti ọnwụnwa anyị.

Nkebi na-esonụ na-enye usoro dabeere na Bible maka imeri mmehie na ọnwụnwa nke ọma. Itinye atụmatụ a n'ọrụ bụ otu ụzọ ọzọ isi nye Chineke ọnọdụ mbụ na ndụ gị!