Ụkpụrụ nchịkwa oge sitere n'Okwu ChinekeIhe Atụ

Nsogbu Nke Njikwa Oge Anyị

A na-arịọ m ọtụtụ mgbe maka ndụmọdụ banyere njikwa oge. Ọ bụghị n'ihi na m "enwetala" ihe bụ isiokwu dị na ya, kama ọ bụ n'ihi na m enweela nnukwu ahụmahụ n'ichọ nhazi ọtụtụ ọrụ dị iche iche m na-arụpụta na ndụ m. Na mgbakwunye n'ije ozi m dị ka CEO nke ụlọ ọrụ teknoloji na amalite, abụkwa m odee akwụkwọ, na-eme ike m niile iji nyere ndị Kraịst ibe m aka jikọọ ozi ọma na ọrụ ha ọnụ. N'ụlọ, abụ m di mmadụ na nna nye ụmụ ntakịrị nwaanyị abụọ mara mma na-erubeghị afọ atọ. Isị na ndụ m dị ka nke onye ara ugbu a bụ ikwu ya n'ụzọ obere. Ma site n'amara nke Chineke naanị, ana m "achịkwa" ha niile ma ka nwee ike na-ehi ụra awa asaa ruo awa asatọ kwa abalị.

Ijikwa oge m nke ọma bụụrụ ihe m na-achọsi ike kemgbe. Gịnị kpatara nke a? Ọ bụ n’ihi na Akwụkwọ Nsọ na-echetara anyị ugboro ugboro na ndụ anyị “bụ nanị uzuoku nke na-apụta ìhè nwa oge wee si n'anya pụọ” (Jemes 4:14). Chineke ka nwere ihe kpatara Ọ ji ka nwe mụ na gị n’ụwa a: ịhụ Ya n’anya, ịhụ ndị ọzọ n’anya, na imeta ndị mmadụ ka ha n'eso ụzọ Jizọs Kraịst. Anyị bụ ndị e ji nzube wee kee. E keghị anyị ka anyị nọdụ nnọọ ala wee n'eche ka ebighị ebi bịa. Akpọrọ anyị ka anyị n'ụwa n'enwe mmekọrịta, ịmepụta ụzọ e si ebi ndụ, ịdị nrụpụta ihe site n'iga ozi nye mkpa nke ndị gbara anyị gburugburu site na ndụ anyị na ọrụ anyị. Na nkenke, Chineke kpọrọ anyị ka anyị sonyere Ya n'ọrụ Ya nke ịgbapụta ụwa.

Nye ịdị ukwuu nke ozi ahụ na oge n'aga aga, anyị kwesịrị ịbụ ndị nzube ha n'ahụ ọkụ n'obi nke ukwuu n'ụwa niile, ndị na-ebi ndụ nwere ezi uche nke ịdị ngwa, ndị na-achọ mgbe niile iji obere oge ego apụghị ịzụta nke e nyere anyị rụpụta ihe bara uru. Ọ bụ ya mere ị ji na-agụ ihe ọmụmụ nsọ a! N'ime ụbọchị ole na ole sochirinụ, anyị ga-enyoko anya ọnụ n'ime Okwu Chineke iji kpughee ụfọdụ ụkpụrụ nke njikwa oge sitere na Akwụkwọ Nsọ. Ma ana m adọ gị aka ná ntị ugbu a na usoro a adịghị mfe. Ọ bụrụ na ọ dị mfe, anyị niile agaghị na-adogbu onwe anyị n'ime nsogbu a. Na njedebe okwu, njikwa oge na-aga nke ọma bụ nke sitere na ịdị uchu na ịbụ onye zụrụ onwe ya nke ọma (Ilu 21:5). Dị ka anyị ga-ahụ, ijikwa oge anyị ga-atọhapụ anyị ka anyị nye onyinye kacha ukwuu n’ụwa n’aha Onye-nwe-anyị na Onye Nzọpụta anyị. Ị dị njikere iji obere oge Onye-nwe-anyị nyere gị rụpụta ihe kacha mma? Ka anyị malite!