Տվեք առաջին տեղն ԱստծունՕրինակ

«Հաղթական կյանք ապրելու հինգ մարտավարական կետեր»

Այս բաժինը տրամադրում է Աստվածաշնչյան հիմքով 5 կետերից բաղկացած մարտավարություն՝ մեղքի և գայթակղության դեմ արդյունավետորեն պայքարելու համար։ Այս ծրագրի իրականացումը ևս մեկ միջոց է Աստծուն ձեր կյանքում առաջին տեղը տալու համար։

1․ ՀԱՍԿԱՆԱԼ, ՈՐ ԱՍՏՎԱԾ ՁԵԶ ՏԵՍՆՈՒՄ Է ՈՐՊԵՍ ԿԱՏԱՐՅԱԼ, ՍՈՒՐԲ ԵՎ ԱՆՄԵՂ՝ Հիսուս Քրիստոսի կատարած գործի միջոցով։ (Կարդացե՛ք Բ Կորնթացիներին 5։21 համարը)։ Շատ ժամանակ հանցանքն ու ամոթը մեղքի ամենակործանարար հետևանքներն են։ Հաղթանակի համար հիմնարար է հասկանալը այն, որ չկա դատապարտություն նրանց համար, ովքեր Քրիստոսի մեջ են (Հռոմեացիներին 8։1)։

2․ ԽՈՍՏՈՎԱՆԵՔ ՁԵՐ ՄԵՂՔԵՐԸ։ (Կարդացե՛ք Ա Հովհաննես 1։9 համարը)։ Մեր մեղքերի խոստովանությունը նշանակում է՝ առաջինը ընդունել մեր մեղքերը մեր սրտում ու մտքում և հետո խոստովանել այն Աստծո առաջ։ Մեր մեղքերի խոստովանությունը պարտադիր կերպով չի նշանակում այն հանրայնորեն հրապարակել։ Խոստովանությունը ձեր և Աստծո միջև է կատարվում։

3․ ԵՂԵ՛Ք ՊԱՏԱՍԽԱՆԱՏՈՒ։ (Կարդացե՛ք Հակոբոս 5։16 համարը)։ Պայքարի մեջ պատասխանատվություն և աղոթքի աջակցություն ներկայացնելու հարցում շատ արդյունավետ է գտնել մտերիմ, հավատարիմ, Քրիստոնյա մի ընկերոջ, հովվի կամ ընտանիքի անդամի, ում կարող եք ապավինել։

4․ ԽՈՒՍԱՓԵ՛Ք ԳԱՅԹԱԿՂՈՒԹՅԱՆ ԱՂԲՅՈՒՐՆԵՐԻՑ։ (Կարդացե՛ք Հակոբոս 1։13-15 համարները)։ Սա ամենադժվար կետն է կատարելու տեսանկյունից և պահանջում է որոշ ստեղծագործական մտքեր և ծրագրեր։ Ճշմարտությունն այն է, որ եթե կարողանաք խուսափել գայթակղությունից, ապա կխուսափեք մեղքից։

5․ ԿԱՐԴԱՑԵ՛Ք ԱՍՏԾՈ ԽՈՍՔԸ։ (Կարդացե՛ք Սաղմոս 119։11 համարը)։ Աստծո խոսքը պարզորեն ասում է մեզ, որ եթե «այն թաքցնում ենք մեր սրտում», ապա այն մեզ հատուկ զորություն է տալիս՝ ասելու «ոչ» գայթակղությանը և մեղքին։