Ապրե՛ք զորությամբ և համարձակությամբՕրինակ

«Նրա առաքելությունն անձնական է»

Արարչագործության սկզբից Սուրբ Հոգին ներկա է գտնվել՝ մեր մեջ ապրելով բոլոր սերունդների ժամանակներում։

«Երկիրն անձև ու դատարկ էր. և անդունդի վրա խավար էր, և Աստծու Հոգին շրջում էր ջրերի վրա»։

ԾՆՆԴՈՑ 1:2

Բայց միայն այն բանից հետո, երբ Հիսուսն ավարտեց Իր գործը խաչի վրա, Սուրբ Հոգու ծառայությունը դարձավ անձնական և մտերմիկ յուրաքանչյուր հավատացյալի համար։ Հիսուսն ասաց Իր աշակերտներին մինչ Իր մահը, որ Սուրբ Հոգին ներկա է իրենց մեջ, սակայն դեռ իրենց մեջ չի բնակվում։

«ճշմարտության Հոգին, որին աշխարհը չի կարող ընդունել, որովհետև նրան չի տեսնում և չի ճանաչում։ Բայց դուք նրան ճանաչում եք, որովհետև այն ձեզ մոտ է մնում ու ձեր մեջ է լինելու։ Ես ձեզ որբ չեմ թողնի. կգամ ձեզ մոտ»։

ՀՈՎՀԱՆՆԵՍ 14:17-18

Իր մահից անմիջապես առաջ Հիսուսն Իր աշակերտներին խոստացավ մխիթարություն, որ Նա դեռ հոգեպես նրանց հետ կլինի՝ իրենց կյանքում ապրող Սուրբ Հոգու ներկայության միջոցով։ Հիսուսի սկսած գործը շարունակվում է մեր կյանքում Սուրբ Հոգու միջոցով։ Աստված օգտագործում է Սուրբ Հոգին մեր մեջ չորս բան իրականացնելու համար․

1. Նա դարձնում է փրկությունն անձնական իրականություն։

2. Նա զորացնում է ձեզ հաղթական կյանք ապրելու համար։

3. Նա ձևավորում է քրիստոնեական բնավորություն՝ օգնելու ձեզ աճել։

4. Նա ամեն բան ձեր բարիքի համար է անում։