Ստացեք հավելվածըԻնչպե՞ս դառնալ Աստծո էության արձագանքըՕրինակ
Խաղաղություն գտի՛ր ամեն ժամանակ և ցանկացած իրավիճակում
«Իսկ Ինքը՝ խաղաղության Տերը, թող ամեն ժամ ու ամեն կերպ ձեզ խաղաղություն տա։ Տերը ձեզ բոլորիդ հետ» (Բ Թեսաղոնիկեցիներին 3.16):
Սիրելի՛ բարեկամ, Աստված ոչ միայն կարող է քեզ մի այնպիսի խաղաղություն տալ, որը գերազանցում է ամեն մարդկային պատկերացում, այլ, իրականում, հենց Նա Ինքն է խաղաղությունը։
Աստվածաշունչը վկայում է, որ Տեր Հիսուսն է Խաղաղության Իշխանը։ Նա է կայունության չափանիշը։ Փոփոխում կամ փոփոխման ստվեր բնավ չկա՛ Նրա մեջ։
- Քեզ անտեղի մեղադրող բոլոր ձայների մեջ դու խաղաղություն կգտնես։
- Անարդար կամ արհամարհական վերաբերմունքի հանդիպելիս քո ներսում մի քաղցր խաղաղություն կտիրի։
- Հիվանդության դեմ մղած քո ամենախորը պայքարի մեջ անգամ դու կհասկանաս, թե ինչ է նշանակում փոթորկի մեջ լինել խաղաղ։
- Ի պատասխան ընտանիքումդ ծագած խնդիրների դու կճաշակես Աստծո խաղաղությունը քո սրտում։
Աստծո համար թանկ ու սիրելի՛ զավակ, և եթե դու անկեղծորեն դավանում ես, որ քո կյանքը խաղաղության Իշխանին է պատկանում, ապա Նրա երկնային բնույթը տեսանելի կերպով դրսևորվելու է քո էության մեջ։ Նրա շնորհիվ դու քո մեջ զարգացնում ես խաղաղությամբ լեցուն սիրտ և ուրախությամբ բռնկված հոգի։
Եվ վերջում մի շատ կարևոր ճշմարտություն․ իրական դավանությունը միայն խոսքերը չեն։ Շատերը կարող են դավանել ու ասել․ «Հայր, ես հենց հիմա Քո խաղաղությունն եմ ընդունում իմ սրտի մեջ․․․» կամ այլ նմանատիպ հռչակումներ ու դավանություններ անել։ Ամբողջ գաղտնիքը նրանում է, որ Տեր Հիսուսի խաղաղությունը միայն Նրա աշակերտների համար է։ Դու չես կարող Նրա խաղաղությունն ընդունել, քանի դեռ չես որոշել դառնալ Նրա աշակերտը՝ կարգապահ, հավատարիմ և Տեր Հիսուսի առաքելությանը նվիրված։
Դավանի՛ր խոսքով, դավանի՛ր քո որոշումներով, դավանի՛ր քո վարքագծով ու գործերով և կտեսնես, թե ինչպես է մարդկային հասկացողությունից վեր երկնային այդ խաղաղությունը հաստատվում քո սրտի մեջ։
Հիշի՛ր, որ դու Աստծո հրաշքն ես, և Աստված սիրում է քեզ։
Շնորհակալ եմ, որ դու կա՛ս։
Հ.Գ. Ընթերցանության այս ծրագրի տեքստը վերցված է «Քո հրաշքն՝ ամեն օր» ուղերձներից, որոնց շնորհիվ ամեն օր Արման Մանուկյանը կիսվում է Աստծո Խոսքի շուրջ խրախուսական մտորումներով՝ ի քաջալերանք յուրաքանչյուրի, ով սիրում և անկեղծորեն հետևում է Տեր Հիսուսին։ Ամենօրյա քաջալերական ուղերձները ստանալու համար կարող եք բաժանորդագրվել.Hisus.amկայքում։
Եվ թող ամեն օրվա Ձեր հրաշքն ու քաջալերանքն անպայմա՛ն հասնեն Ձեզ ու լուսավորեն Ձեր կյանքը։
Սուրբ Գրություն
Այս Ծրագրի Մասին
Երբևէ տեսե՞լ ես, թե ինչպես են հմուտ երաժիշտները լարում երաժշտական գործիքները։ Նախ պետք է լսել նրանց ճիշտ նոտան և հետո այդ մեկ նոտայի շնորհիվ գործիքը լարել այնպես, որ բոլոր նոտաներն ունենան ճիշտ հնչողություն։ Սակայն ո՞րն է մե՛ր պարագայում այն չափանիշը, որը ցույց կտա և կուղղորդի մեզ մեր սրտերը ճիշտ հաճախականության դնելու հարցում։
More
Մենք ցանկանում ենք շնորհակալություն հայտնել hisus.am-ին այս պլանը տրամադրելու համար: Լրացուցիչ տեղեկությունների համար այցելեք՝ https://hisus.am/
