Pran aplikasyon anMisyon Estè aEgzanp
Fèt Viktwa a: Jou Pwoklamasyon ak Jistis
Apre viktwa pèp Izrayèl la kont ènmi yo, jou a te vin tounen yon jou espesyal nan listwa nasyon an. Pèp la te genyen batay yo ak favè Bondye, gras ak kouraj Estè ak Madoche. Atak ki te planifye pou detwi yo te vire kont moun ki te konplote kont yo. Sou lòd wa a, pèp Izrayèl la te defann tèt yo ak viktwa, bay jistis kont moun ki te chèche detwi yo. Se sèlman pouvwa Bondye ki te ka bay yon delivrans konsa.
Apre sa, Madoche te ekri lèt ki te pwoklame jou viktwa sa a kòm yon fèt nasyonal. Li te mande pèp la pou yo sonje jou sa a chak ane, yon jou kote tout Jwif, kèlkeswa kote yo te ye, ta dwe selebre viktwa Bondye te ba yo. Se pa sèlman yon fèt pou fè fèt, men yon okazyon pou sonje favè Bondye ak jistis li. Se konsa fèt Pourim nan, jan yo rele l, te vin tounen yon rapèl chak ane de kijan Bondye delivre pèp li lè yo mete konfyans yo nan li.
Madoche te tounen yon nonm ki vin gen anpil respè, yon chèf ki te kontinye sèvi pèp Izrayèl la ak sajès. Wa a te ba li yon pozisyon enpòtan nan wayòm lan, e li te travay pou pwoteje epi defann pèp li. Fèt sa a te vin yon senbòl jistis ak pwoklamasyon favè Bondye, ki montre kijan Bondye toujou gen yon plan pou delivre pèp li, kèlkeswa difikilte oswa menas ki parèt sou wout yo. Chak fwa n ap selebre viktwa Bondye nan lavi nou, nou sonje kijan jistis li toujou triyonfe sou mechanste.
Konsènan Plan sa a
Estè se yon fanm Bondye te itilize pou sove pèp Izrayèl la. Li te ranpli yon misyon kouraj ak obeyisans. Atravè gid lekti sa a, nou pral gade kijan lafwa Estè te pèmèt li fè fas ak menas, men tou, kijan Bondye te sèvi ak detèminasyon li pou akonpli plan Li. Sa kapab enspire nou nan moman difikilte yo pou nou ka viv ak kouraj ak konfyans nan Bondye.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
