Pran aplikasyon anGerizonEgzanp
Bondye pran swen moun ki gen kè blese
Bondye toujou la pou moun ki gen kè blese. Chak jou, Li montre nou ke Li se yon gerisè ki konnen tout blesi ak doulè nou yo epi Li pare pou ban nou rekonfò. Bondye konprann tout chay ak soufrans nou yo, epi Li vle ban nou gerizon ak lapè.
Jezi te vini pou libere moun ki blese epi brize. Li pote limyè nan fènwa nou yo, chanje tristès nou an lajwa, epi retire chay ki lou sou zepòl nou yo. Misyon Li se pou delivre nou epi ban nou espwa.
Nou ka pote tout doulè ak soufrans nou bay Bondye, epi Li va ban nou lapè ak gerizon. Pa gen anyen ki twò gwo pou Bondye. Lè nou vin devan Li avèk yon kè ouvè, Li tande nou epi aji pou nou. Li ban nou yon lapè ki depase tout konprann, yon kado diven ki soti nan lanmou Bondye pou nou.
Bondye vle nou chèche Li chak jou, pote tout laperèz nou ba Li, epi koute vwa Li ki ap dirije nou sou chemen gerizon an.
Si w ap travèse yon moman difisil, ou pèdi yon moun ki chè pou ou, ou pèdi travay ou, oubyen yon moun brize w, sonje Jezi se gerisè ak reparatè nou. Nan moman difikilte, lapenn, ak tristès, nou ka toujou kouri ale jwenn Li. Jezi nou an toujou pare pou resevwa nou avèk konpasyon, mizèrikòd pou geri tout blesi nan kè nou.
Konsènan Plan sa a
Men yon gid lekti biblik pou devosyon nou chak jou ki mete aksan sou gerizon espirityèl, emosyonèl, ak gerizon fizik atravè Bib la. Gid lekti sa a ap dewoule sou yon peryòd 5 jou, kote chak jou yo w ap jwenn yon vèsè biblik ki mache ak li. Pran tan pou li dokiman an epi rive jwenn konsolasyon ak gerizon pou nanm ou ladan l.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
