Moun Bondye Te Kreye ou Pou Ye aEgzanp

Papa

Se konpreyansyon w de Bondye Papa ak jan ou aksepte renmen Li pral finalman detèmine si w ap vin moun ou te fèt pou ou ye a. E plan pou vin moun sa a se papa w ki nan syèl la ki defini li. Vivan ou mò, ke yo konnen ou pèsòn pa konnen ou, prezan ou absan, bon ou move, sila a ki se papa ou la ap swiv ou nan lavi a. Li bay koulè a jan ou wè tèt ou, atitid ou devan grandèt yo, e – esansyèlman – devan Bondye. Tout moun devlope yon bezwen natirèl pou yo jwenn lanmou ak pou yo asepte yo, e si papa w ki sou tè a pa rive fè w santi santiman sa yo, li posib pou al chèche lanmou ak aseptasyon nan men yon papa ranplasan. Kèk fwa nou fè kòmsi nou pa konprann, nou eseye kache pati sa a nan lavi nou ki blese kè nou an.

Yon nonm saj yon fwa te di konsa se bagay ki pi enpòtan sou nou ki vini nan tèt nou an lè nou ap panse ak Bondye se. Si nou te kapab li nan lespri yon moun pou n ta jwenn yon repons konplè a kesyon sa a, « Kisa ki vini nan tèt ou lè ou panse a Bondye? », nou ta ka predi avèk konfyans avni espirityèl nonm sa a. Donk, ki twa adjektif vini nan tèt ou lè ou panse a Bondye? E ki twa adjektif ou panse Bondye ka itilize pou dekri moun ou ye a? Sa pa janm rive ou, ou santi tankou Bondye wont de ou, oswa an kòlè kont ou, oswa desi de ou, oswa endiferan anvè ou? Sa Jezi te fè pou ou sou kwa a ta dwe ba ou prèv pozitif sa ou santi a se pa li ki enpòtan an. Bon nouvèl la se, pa gen anyen ou ka fè pou pouse Bondye vin renmen ou mwens.

Papa Jezi a se Papa ou tou, e Li se yon Papa ki pa janm dòmi. Li gade ou san rete e avèk yon lanmou ki pafè, san parèy. Nan pasaj jodi a Jan eksplike relasyon li ak Papa Selès li lè li di, « Gade gwosè lanmou Papa a ban nou, konsa pou nou ka rele pitit Bondye! E se sa nou ye! » Mo ‘’gade’’ nan lang orijinal la se yon lòd, se pa yon sijesyon, e li vle di sispann fè sa w ap fè a e reyèlman kapnpe pou gade, jiskaske ou rive e konprann sa. Chanje fason ou gade Bondye chanje fason ou gade tèt ou – tout bagay ak tout moun tou. Lanmou Bondye pou nou se yon lanmou ki soti nan yon lòt mond – se pa yon lanmou ki konparab ak lanmou sou tè a. Renmen agape Li pou nou pi gran pase peche nou, li pi gran pase nenpòt bagay ki ka mete kwa ant nou ak Li. Paske atravè lanmou sa a, nou pa jis zanmi oswa sèvitè Bondye – nou se bonjan pitit gason ki soti nan lanmou Bondye.

Papa Selès ou te bay, l ap kontinye bay, e l ap kontinye ba ou lanmou Li. Li mete koulè nan lanmou Li pou ou atravè syèl la, chak leve ak chak kouche solèy, e Li anonse sa nan pawòl Li yo. Menm si papa ou sou tè a ou te ap abize w oswa absan nan lavi w, ou kapab konnen jodi a Bondye adopte ou: Se nan fanmi Papa a ou ye atravè sakrifis Pitit Gason Li a ki se Sovè nou an, Jezi moun Nazarèt la. Lè w aksepte sa, ou tounen moun, ou te fèt pou ou ye a.