Moun Bondye Te Kreye ou Pou Ye aEgzanp

Finans

Pandan anpil ane, mwen pa t gen parèy nan zafè jere lajan mal, epi se mwen menm ankò kòm moun sòt ki t ap anseye pwòp tèt mwen kijan pou m jere finans mwen. Tout kòb ki rantre nan menm, mwen sanzatann depanse l – e byen vit mwen vin gen yon pakèt dèt. Se jis lè mwen vin marye ak yon moun ki pi rezonab pase mwen (madanm mwen!) ki ede m wè klè nan jesyon kat de kredi mwen. kwè mwen, li pi fasil pou twouve w anba yon pakèt dèt pase pou soti ladan l. Mond lan fè yon jan pou pouse nou viv avèk plis pase sa mwayen nou ka pèmèt nou, finansyèman nou pa balanse. Kèk fwa nou se gouvènman nou blame pou movèz jesyon finans nou oswa nou mete chay la sou do jan ekonomi an ap mache, oswa nou reziye nou pandan n ap kontinye espere bagay yo ap amelyore pou nou finansyèman yon jou– men an verite lespwa se pa yon estrateji.

Konsiderasyon nou bay lajan an enpòtan anpil paske desizyon finansyè nou yo souvan baze sou santiman. Onètman petèt kounye a ou ap ezite voye gade finans ou paske ou reyalize w pran nan pwòp pèlen ou, e ou pè. Pandan w kòmanse rekole bout yo nan lavi finansyè ou, yon moun chavire sitiyasyon an nan men w. Konsa tou petèt ou ka panse ou pa bezwen jete koudèy nan finans ou paske ou santi w byen alèz. Si ou idantifye tèt ou a yon moun konsa, souple kontinye li. Ou menm tou nan moman sa a, ou kapab gen pwoblèm finans tou. Petèt Bondye ka vle retire ou nan zòn sa a ki rann ou twò alèz la, konsa pou ka fikse je ou reyèlman sou Li.

Si w ap eseye balanse finans ou (w ap evite katastwòf), se pou chache konnen kisa ou vle. Gen kèk moun objektif yo se fè pi plis lajan posib (e kèlkeswa kantite yo fè, li pa janm ase). Gen kèk lòt objektif yo se pran swen moun yo renmen (menm si pou yon timoun, li plis prefere pase tan avèk paran l pase sa paran yo ap ofri l pou achte pou li). Kèk moun, yo menm objektif yo se ekonomize plis lajan posib (menm si kofre fò pa swiv kòbya). E gen kèk moun objektif yo se jis depanse, depanse, depanse.

Pi bon objektif pou geneyn an, se libète finansyè - sa pa vle di ou kapab fè kèlkeswa sa ou vle. Libète finansyè vle di ou pa dwe enkyete w pou lajan, paske ou gen ase pou fè kèlkeswa sa Bondye vle ou fè. Se konsa Jezi te viv sou tè a, e li di nou kapab viv konsa tou. Ou gen ase lajan labank oswa nan pòch ou jodi a, pou fè volonte Bondye.

Dapre Jezi, pa sipoze gen yon relasyon damou ant ou menm ak lajan, paske lè sa a lajan pral vin mèt ou. Jezi rekòmande nou pou nou gen yon relasyon ant ou menm, lajan ou lan, ak Bondye. Lè w ap panse sou kijan dwe ekonomize, depanse, oswa bay, si ou vle byen jere finans ou, objektif ou ta dwe pou mete premye Bondye epi sa Li vle pou ou yo an premye.

Menm prensip ki gouvène sante a, li kapab aplike nan richès ou. Se Bondye ki ba ou 100% de tout sa ou posede. Li ap tann pou ou jere yo byen epi bay kèk nan sa Li ba ou yo kòm yon siy rekonesan ki montre kijan jenewozite Li manifeste nan lavi ou. Si ou ta renmen gen kè kontan e viv san enkyetid, kite Bondye jere lajan ou, epi sonje, kontantman ou ap kòmanse lè ou ka konte benediksyon ou yo, ou dwe viv pou bay, pa pou resevwa. Bay se yon sitiyasyon gayan gayan kote moun ki resevwa a genyen e moun ki bay la genyen tou.