Moun Bondye Te Kreye ou Pou Ye aEgzanp

Zanmi

Amitye se bagay ki toujou charye dèyè li posibilite pou rejè, doulè, ak tristès. Lè yon zanmitay kanpe, kèk fwa nou konn fè kè nou di pou pwoteje tèt konsa pou nou evite menm zanmi sa a vin blese nou ankò. Li pran m plis pase dizan pou m rive konprann Jezi se pi gwo zanmi nou ka mande pou nou genyen, e Li ban nou egzanp kijan nou kapab zanmi lòt moun.

Nou te deja esplike kijan malgre Adan te twouve li nan yon anviwònman san defo, se pa t yon bon bagay pou l te pou l rete pou kont li. Nou bezwen zanmi, rechèch montre, pifò gason pa genyen zanmi ase. Petèt sa se yon bagay ki sanble ak ou paske ou te devlope pwoblèm konfyans pandan kèk ane. Mwen menm tou. Konplèks pa m yo te vin agrave lè mwen te vin pastè. Mwen t ap viv avèk yon pawòl tout tan nan lespri m: « Ou pa ka dirije moun yo si ou bezwen amitye yo. » Bagay sa a pandan kèk ane, te anpeche m envesti nan bonjan amitye.

Erezman, Jezi te ban nou yon vèsyon ki pi bon, ki pi bèl de amitye. Li te vini sou tè a pou l di nou, « Mwen vle rele nou zanmi! » Li te renmen epi dirije moun yo san pwoblèm, epi kèk fwa li te menm rive di yo li te bezwen yo. Li pa t pè pou l te parèt vilnerab. Bay tèt ou sa kòm misyon pou w devni kalite zanmi yon moun ka santi l an sekirite pou rele lè l gen ijans – e ou menm ou pa ta dwe pè pou w rele yon zanmi lè se ou menm ki nan bezwen. Se pa yon pwoblèm si ou bezwen moun. Jezi te gen twa zanmi trè pwòch, li te gen douz zanmi Li te viv avèk 24 sou 24, epi li te gen swasanndis Li te pase anpil tan avèk yo. Se pa tout amitye sa yo ki te mache pou Jezi, men Li te chwazi zanmi moun kanmenm pou l te ka montre yo lanmou san kondisyon Papa Li a.

Travay amitye a nan yon nivo ki pi pwofon pou ka tounen kalite zanmi tout ta renmen genyen an. Panse a yon fason pratik ou ka vin yon pi bon zanmi pou yon moun nan lavi w, semèn sa a, bay pito olye pou enkyete w pou sa w ap jwenn. Jezi di pa gen pi gwo lanmou pase lè w bay lavi w pou zanmi w yo. E Li konnen sa byen. Li te fè egzakteman sa, pou ou. Sa ta dwe ba ou tout enfòmasyon ou te dwe konnen sou kijan Li se yon zanmi fidèl.

Mwen te tande yon mesaj levanjil kèk ane de sa nan yon moman kote mwen te gen dout si Bondye egziste. Mwen te konprann imedyatman sa Jezi te fè sou kwa a se te pou mwen menm, menm Li te fè l – Li te fè l pou mwen. Jezi te pran pinisyon mwen te merite a pou mwen te ka jwenn padon e vin tounen zanmi Bondye pou tout tan. Mirak la te fèt. Lanmou li te manifeste. Sa Jezi te ofri nou an te klè. Jezi te di, « Mwen vle vin pi bon zanmi w. » Se swa mwen te aksepte li oswa rejte li, men neglije li t ap gen gwo konsekans epi m pa t gen chwa tou. Jezi vle vin pi bon zanmi w tou. Li fè premye pa a, Li ofri ou amitye Li – Li fè sa vre – Li bay lavi Li pou ou. Pran amitye Jezi a, e se pou w devlope amitye ak lòt moun avèk menm lanmou Jezi a, se pou envite yo pou yo konnen Jezi tou.