Moun Bondye Te Kreye ou Pou Ye aEgzanp

Fanmi

Petèt ou gen yon foto fanmi w kole yon kote nan kay ou. Men, an Reyalite se pa paske moun yo ap souri nan foto a ki fè w wè tout reyalite de sa k ap pase nan fanmi an, eske se pa vre? E si pito, olye de sa, nou te pran kouraj ak de pla men nou e te onèt ak tèt nou epi rekonèt pwoblèm nou antanke papa epi defi fanmi nou ap fè fas? E si nou ta mete espwa nou sou plan Bondye genyen pou fanmi nou?

Mwen reyalize mwen ka mezire kantite èdtan mwen pase nan travay mwen, men mwen pa janm ka mezire sa mwen reprezante antanke papa, granpapa, oswa mari. Yon swa pandan mwen t ap dine an fanmi, mwen te mande fanmi mwen, ‘’Kisa nou panse ki pi enpòtan pou fanmi an?’’ Pitit fi mwen reponn, ‘’Nou bezwen sonje chak moun nan fanmi an se yon moun - yo pa pa gen yon idante an blòk ki defini sèlman kòm manm fanmi an.’’ Waw ! Kèk fwa nou egoyis, nou ka fasilman inyore idantite chak moun genyen epi wòl moun nan jwe nan fanmi an.

Nou li nan levanjil Mak la kijan Jezi fè yon nonm avèg soti nan vil la, lwen foul moun yo. Li bay nonm nan tout atansyon li epi pran tan pou pale epi priye avèk li. Gerizon an fèt pandan yon ti dyalòg nan yon tan ki byen kalkile, san prese. Jezi pa satisfè nan fè travay a mwatye. Li te vle nonm avèg la wè moun tankou moun (pa tankou pye bwa!). San Li pa t prese, Li te priye yon dezyèm fwa. Jezi vle touche je nou tou, pou nou wè moun jan Bondye kreye yo pou yo ye a – espesyalman sila yo ki pi pre nou yo. Kisa ki bare je w lè w rive devan moun ou pi renmen an ki fè ou pa wè l? Ki pi gwo distraksyon ki anpeche ou mete fanmi ou nan premye plas nan lavi ou? Ou dwe fè yon ti ralanti. Ou pa ka renmen pandan w ap kouri.

Fanmi soti nan lide Bondye. Apre Li te fin kreye tè a ak Adan, Li te twouve yo bon. Sa ki pa t bon, se Adan ki te poukont li – menm si li t ap viv nan yon anviwònman kip a t gen menm yon to kras defo. Nou se kreyati Bondye ki paka viv san lòt moun bò kote nou. Bondye te kreye yon konpay pou Adan, men Adan ak Èv pa t fòme koup ki pi pafè a. Liv Jenèz la sanble ak yon istwa ki gen anpil zen ladan l: anpil pwoblèm! Malgre sa, Bondye pa t janm abandone premye fanmi sa a. Menm jan an tou li pap janm abandone fanmi w.

Jezi te rantre nan listwa pou te kapab akeyi nou nan fanmi Li, kote nou jwenn yon Papa ki san parèy. Bondye konnen chak fanmi sou latè gen pwoblèm pa yo. Se pou sa, Li envite nou nan fanmi Li an, e Li pa janm chanje pwomès Li yo, pwisans Li san mezi, e lanmou Li pa gen rival. Nou pa bezwen kouvri anba dra aparans difikilte ak chagrennman fanmi nou yo, paske Bondye pa vle sa.

Li pa twò ta pou ou akonpli chanjman ou bezwen fè nan fanmi ou yo. Mande Bondye pou kòmanse avèk ou. Orè aktivite w yo dwe montre fanmi ou kijan ou renmen yo epi kijan ou mete yo nan premye plas nan lavi w, e moman pou kòmanse montre yo sa, se jodi a. Kèlkeswa relasyon ou te gen nan tan pase oswa kounye a, ou gen yon Papa nan syèl la kounye e se nan Li menm tout fanmi sou latè soti. Bondye konnen pa gen okenn fanmi ki pafè, men li pran plezi nan fè mirak, e avèk li, avni fanmi ou asire.