Moun Bondye Te Kreye ou Pou Ye aEgzanp

Echèk

Léchèk nan sa ki gen pou wè ak etènite a se yon bagay moun paka evite. Nou tout echwe, souvan e kontinyèlman. Men, gen espwa! Nou ka aprann ‘echwe avèk siksè’ lè nou aksepte avèk imilite, se pa échèk la ki defini nou – Se Jezi ki bay lavi nou sans.

Lavi Pyè se te yon vi ki chaje ak moman difisil. Li pase de siksè a échèk nan yon ti moman. Petèt lè ou gade w, ou wè se menm bagay la pou ou ? Nou tout jwenn ti moso pa nou kote pwoblèm vini apre yon viktwa. Pi gwo échèk Pyè a se lè li di li pa rekonèt pandan – twa fwa – li te konnen Jezi yo te arete a. Li te bay manti pou sove lavi li, tandiske Jezi li menm te volontèman bay lavi Li pou sove lezòm. Men, erezman, gras a Jezi, échèk pa janm definitif. Kwa a pa t mete fen nan istwa Jezi, ni nan istwa Pyè.

Liv Jan an rakonte nou kijan Pyè, t ap pote sou tèt li fado echèk li a, sa te pouse li retounen fè sa li te konn fè pi byen an ki se: lapèch. Yon jou yon etranje te parèt sou rivaj la epi li t ap di Pyè kijan pou l fè pou li kapab fè yon pèch ki ka rive chire nas li a. Lè Pyè te rekonèt se Jezi, Pyè te obeyi. Siman li te santi kòm si echèk li a se te yon bagay ki pat gen padon – Ah ! wi Jezi te vin chache l ! Pyè ak Jezi te fè yon ti pwomnad sou plaj la, epi Pyè kòmanse konprann echèk li a pa t ap janm kapab pote viktwa sou li. Pyè te kanpe toupre yon dife lè li te nye Jezi twa fwa a. Kounye a, se yon lòt dyalòg ki chaje ak delivrans, epi se bò kote yon lòt dife, Jezi pa mande Pyè twa fwa, «Kijan ou te fè trayi m?», men pito, « Eske ou renmen m? » De fwa nan twa fwa a, Jezi itilize vèb agape pou lanmou (lanmou san kondisyon, sakrifis Bondye). Pyè toujou reponn ak vèb phileo pou lanmou (afeksyon frè oswa zanmitay). Li pa fin twò byen konprann, epi nan moman sa a, se yon bagay moun pa ta kwè Jezi ta pral chwazi Pyè pou dirije legliz mondyal la. Men, fòk pouvwa Bondye te manifeste nan feblès Pyè. Pyè pa menm fè tout nòt la nan « egzamen lanmou » sa a, men malgré sa Jezi ba li yon nouvo kòmansman ak nouvo responsablite. Jezi pa jis padone Pyè; Li itilize l. Li itilize ou tou, malgre echèk ou yo.

Nan fen Konvèsasyon Pyè ak Jezi a, Pyè te konpare tèt li ak Jan, kote li te mande Jezi, « E li menm? » Jezi reponn pa yon lòt kesyon : « Kisa li gen pou wè avè w? » Jezi Lè sa a, retounen nan kòmansman dyalòg li ak Pyè. Dènye pawòl Jezi di Pyè yo, nan levanjil Jan an, se menm jan ak premye pawòl li te di lè li te rankontre l depi premye fwa a: « Swiv Mwen. » Olye nou konpare echèk ak siksè nou yo ak sa lòt moun fè, olye nou eseye konpare jan Bondye ap aji nan lavi nou ak jan lap aji nan lavi lòt moun, pito sa ann swiv Jezi senpleman.

Sonje jodi a se nan moman echèk ou w ap jwenn mizèrikòd, sa anseye w epi sa transfòme w. Lè ou rekonèt echèk ou, Bondye ap itilize l pou laglwa Li epi L ap beni lòt moun atravè ou. Peche ou yo kapab tounen mesaj ou. Nenpòt kijan ou ta santi ou fin pèdi, Jezi vini pou Li restore w, Li reprimande w. Li vle sove w, Li pa vle blame w. Ou jwenn padon. Swiv Li !!