Pran aplikasyon anSispann KonpareEgzanp
Lè m te sou wout pou m chase konparezon toksik lakay mwen, Bondye te atire atansyon m sou lavi Jonatan, pitit gason wa Sayil e bon zanmi David, kòm yon egzanp bonjan idantite. Onètman, mwen pa t janm pran tan pou m byen etidye Jonatan, mwen te wè l kòm yon pèsonaj segondè nan istwa David la, men pa tankou yon moun mwen te ka aprann yon bagay nan men l. Poutan, plis m te etidye istwa Sayil ak David, m te reyalize vrè ewo istwa a se te Jonatan. Men poukisa.
Vèsè devosyon nou an 1 Samyèl 18:4 di:
"Li wete gwo rad ki te sou li a, li bay David li ansanm ak tout bagay li te genyen, ata nepe li, banza li ak sentiwon l'."
Se vre yo plis pale de Sayil akoz jan misye te mal aji epi konpòte l paske l te kwè David te yon menas pou wayòm li an, men David pa t yon menas pou Sayil vre paske Sayil te deja wa. Avrèdi,David te yon menas pou Jonatanpaske, si pèp la te vle David vin wa, se te apre Sayil mouri. Poutan, gade kijan Jonatan te reyaji lè David te retounen sot nan batay la. Olye li te santi l menase poutèt siksè David, li te selebre siksè David. Li bay David rad wa a ak zam li yo. E sa ase kle pou viv san konparezon.
Elimine konparezon toksik mande pou selebre lòt moun. Ou pa nan konpetisyon ak yon moun ou se fanatik li! Yon moun w ap selebre pa yon menas pou ou. Se poutèt sa Jonatan te kapab viv ak kè kontan ak lapè pandan pèp la t ap selebre David. Jonatan pa t mare idantite l ak posiblite pou l te vin wa demen. Li te mare idantite l ak moun Bondye te di li te ye nan moman sa a. E nan moman sa a, li te pitit wa a. Li te sèvitè Bondye. Epi li te zanmi David.
Jonathan te konnen yon verite anpil nan nou bliye. Okenn gason oswa fanm pa yon menas pou objektif Bondye mete nan ou a. Ou pa bezwen mezire tèt ou ak yon lòt moun paske pa gen okenn konparezon. Chak moun gen objektif pa yo. Bondye pa kreye fotokopi oswa ekstra, kidonk rete fèm nan moun ou ye a epi voye jete manti a ki di w pa bon ase a. Li lè pou nou viv lib san konparezon!
Ale pi fon nan etid sa a, kòmande pwòp kopi pa wKilling Comparison jodi a!
Ekriti
Konsènan Plan sa a
Nan plan biblik 5 jou sa a, ki rele Sispann Konpare, ekriven Nona Jones ofri konesans pratik ak ankourajman konkrè pou ede w evite tonbe nan dezespwa konparezon initil epi pouswiv yon lavi libète ak lajwa—pou apresye moun Bondye te fè w pou ye a. Voye mande liv konplè « Killing Comparison » (Sispann Konpare) pou kontinye avanse sou chemen libète w.
More
