Sispann KonpareEgzanp

Vèsè nou chita sou li pou devosyon sa a, se yon vèsè moun ap di toutan men m panse nou souvan pa fin byen pran sans li. Mache avè m pou yon ti moman.

Jeremi 1:5 di konsa: " Mwen te konnen ou anvan menm mwen te ba ou lavi nan vant manman ou. Mwen te mete ou apa pou mwen anvan menm ou te fèt. Mwen te chwazi ou pou ou te yon pwofèt pou nasyon yo."

Vèsè sa a souvan itilize pou kore lide ke lavi kòmanse depi nan matris, men si w byen gade, li di yon bagay ki pi pwofon. Li di, ANVAN, nou te fòme nan vant manman n, Bondye te konnen nou. Kididonk, anvan spèm nan menm rankontre ovil la... anvan konsepsyon... Bondye te konnen nou. Bondye te mete nou apa anvan nou te fèt. Kidonk, Bondye te deja gen yon plan pou idantite nou anvan manman n te ansent. Eske w ka kwè sa?!

Men, malgre gwo mèvèy verite sa a, anpil nan nou fèt tou orijinal epi pase lavi nou kòm fotokopi akòz vye konparezon n ap fè. Mwen ladan l tou. Mwen te pase anpil ane ap eseye tounen fotokopi akòz konparezon toksik. Mwen te menm rive depanse gwo lajan nan fè operasyon pou m ka gen gwo dèyè. Wi, sa w li a se sa. Kòm yon fanm nwa, yo te toujou ap fè blag epi pase m nan betiz lè m t ap grandi poutèt dèyè plat mwen an. Donk lè mwen te vin pi gran epi m te gen mwayen, mwen deside rezoud pwoblèm nan ak yon operasyon. Men, te gen yon gwo pwoblèm.

Pandan m te avyon pou m al fè operasyon an Los Angeles, mwen te tande Senyè a di m konsa: "Nona, si mwen te vle ou gen yon gwo dèyè, mwen ta ba w youn. Mwen pa t ba ou li pou rete nan imilite." Piske mwen te konnen se vwa Bondye a, mwen ta dwe pran yon parachit epi vole soti nan avyon an menm moman an. Olye sa, mwen te di Bondye: "Seyè, mwen ka toujou gen imilite... ak yon dèyè." Sis mwa apre, apre m fin depanse nan kò m yon pil lajan ki te ase pou m achte yon machin, gwo dèyè m nan te fonn kou bè. Apre m te rekòmanse fè spò san rete, mwen boule tout grès ki te transfere nan dèyè mwen an.

Malgre sa fè m ri kounye a, lè m sonje bagay sa a, mwen ka wè kijan pouvwa vye konparezon te enfekte kè mwen. Li te fè m kwè si m rive gen tèl aparans fizik, mwen t ap resi bèl. Men, anverite; pèfeksyon w se pa nan je moun k ap gade w; pèfeksyon w se nan je Kreyatè a. Bondye te fè m byen pwòp pou objektif li te genyen pou mwen an. Ak dèyè plat elatriye! E se menm bagay la pou ou tou. Menm defo w ak enpèfeksyon w yo itil yon bagay nan men Bondye. Epi se poutèt sapou n sispann konpare, sa mande pou aprann wè defo nou yo kòm kado Bondye ban nou espre.

Avan pwochen sesyon nou an, priye pou Bondye ede w wè tèt ou jan li wè w la. Pafè.