Sispann KonpareEgzanp

Nou te pase dènye jou yo ap etidye orijin ak rezilta konparezon toksik nan lavi nou. Jodi a ak demen mwen vle konsantre sou kijan pou itilize pouvwa bonjan konparezon pou nou ka elimine vye konparezon nan lavi nou.

Vèsè devosyon nou an se yon vèsè ki mande pou n fè aksyon. Li di nan Matye 7:12:

"Tou sa nou vle lòt moun fè pou nou, nou menm tou fè l' pou yo. Se sa lalwa Moyiz la ak liv pwofèt yo mande nou fè."

Lè yon bagay deklannche konplèks lakay nou, nou santi moun abandone n, neglije n, meprize n, nou santi n dekouraje. Men, e si nou chanje vye santiman sa yo epi pran angajman pou n asire n lòt moun pa santi yo konsa poutèt aksyon . >nou? E si nou te fè yon efò ak tout konsyans nou pou n aksepte, selebre, ankouraje, epi kore moun lè nou santi yo mete n sou kote, neglije n, lè n santi n dekouraje oubyen pa bon ase? Se sa vèsè nou an vle pou n fè paske elimine konparezon mande pou nou tounen pou lòt moun sa nou swete lòt moun tounen pou nou.

Men yon egzanp. Mwen te resevwa yon imèl ki te envite m nan yon gwo rasanbleman enfliyansè—moun yo konsidere kòm lidè nan divès domèn (biznis, medya, mizik, ministè, elatriye). Mwen te santi m onore poutèt envitasyon an, men lè m te tcheke lis envite yo... non mwen pa t sou li. Lè sa a, mwen te imedyatman santi vye santiman konplèks la deklannche. Se tankou yon kout kouto emosyonèl m te pran nan kè m pandan m t ap li non yon bann moun mwen te admire, epi mwen pa t nan lis la avèk yo.

Men, olye m komanse rayi pwòp tèt mwen, vèsè sa a te kòmanse sonnen nan lespri m lè m te tande Senyè a di: "Nona, ou ka pa sou lis la men ou te sou kè mèt konferans lan." Mwen te revize lis la ankò e mwen te remake yon kantite lòt moun ki enfliyan ki pa t la, se konsa mwen te mande mèt konferans lan si mwen te kapab envite yo, epi li te di, "men wi!" Mwen te kontakte moun ki pa t la yo e mwen te envite yo, pou yo te kapab benefisye rasanbleman an tou. Ak tout sa m te toujou pa t patisipe poutèt yon lòt pwoblèm!

Bondye te itilize sitiyasyon sa a pou l geri kè m epi pou l ede m viv libète pou m depase konparezon toksik. Olye pou konsantre sou non m ki pa t sou yon lis, m te pito jwenn lòt moun ki pa t sou lis sa a epi ajoute yo. Sa te ankouraje m paske mwen te trete lòt moun jan mwen te vle yo trete m. Epielimine konparezon mande pou trete moun jan ou ta renmen yo trete w.

Sa mande pou asepte yo, valorize yo, trete yo ak diyite. Diy.