OO MEYO ACHIMOOWIN ST JOHN 17
17
PISKE̔TUSSINA̔HIKUN XVII.
1Ohoo ayumewina ke̔ itwāo Jesus, ākose oo̔pinum oo’ skesikwa ke̔che kesikoo̔k isse, mena omisse itwāo, N’ O̔ta, tipa̔hikun ooche̔chepuyew; kistukim ke’ Koosis, ke̔ Koosis kitta ke̔ kistukimisk keya ussitche: 2Kisaspinā ka̔ meeyut soo̔katissewin kitta tipāyimat ka̔keyow ayiseyinewa, kitta ke̔ meeyat kakekā pimatissewin tu̔to unehee ka ke̔ meeyut. 3Mena āwuko oma kakekā pimatissewin, kitta ke̔ kiskāyimiskik keya piko tapwā Mānetooweyun, mena Jesus Christ ka ke̔ pā isitissa̔wut. 4Ke ke̔ kistukimitin wukituskumik: ne ke̔ keese̔tan unima utooskāwin ka ke̔ meeyeyun kitta totuman. 5Ākwa maka, O O̔tawemaw, kistukimin keya kā̔chewak unima kistāye̔takoosewin o̔che ka ke̔ ayayan ā weehāwitan ā moyā e̔tukwu̔k uske.
6Ne ke̔ wapu̔teyawuk ke we̔yoowin unekee ayiseyinewuk ka ke̔ meeyeyun ota uskee̔k o̔che: ke ke̔ ootayane̔ty, ākose ke ke̔ meeyin: mena ke̔ kunowāye̔tumwuk ket ayumewin. 7Ākwa ke̔ kiskāye̔tumwuk ka̔keyow piko kākwi ka ke̔ meeyeyun keya o̔che ā o̔cheekee. 8Weya ā ke̔ meeyukik unehee ayumewina ka ke̔ meeyeyun; mena ke̔ o̔tinumwuk, mena ke̔ kiskāye̔tumwuk kā̔chenamach keya o̔che ā o̔cheeyan, mena ke̔ tapwā̔tumwuk ā ke̔ pā isitissa̔hooyun. 9Net ayumehāstumowawuk weyawaw: numoweya uske net ayumehāstumatān, maka unekee o̔che ka ke̔ meeyeyun; chikāma keya k’ ootayanin. 10Mena ka̔keyow net ayanuk keya ket ayanuk, mena ket ayanuk neya net ayanuk; mena ne ke̔ kistukimikwuk. 11Ākwa maka numoweya owusimā uskee̔k net ayan, maka okoo uskee̔k ayawuk, mena ke pā natitin. Kunache O̔tawemaw, kunowāyimik keya kā̔chewak ke we̔yoowini̔k o̔che unekee ka ke̔ meeyeyun, kitta ke̔ pāukootchik, tapiskooch ka isse ayayu̔k. 12Ā āskwa ke̔ wechāwukik uskee̔k, ne ke̔ kunowāyimawuk ke we̔yoowini̔k isse: unekee ka ke̔ meeyeyun ne ke̔ kunowāyimawuk, mena numma wawach pāuk wunehaw, piko una nissewunache‐koosisan; kitta ke̔ tipepuyikee ke̔che mussina̔hikāwina. 13Ākwa maka ke pā natitin; mena ohoo kākwia ne we̔tān ota uskee̔k, kitta ke̔ sakuskināskakootchik ne muma̔takoosewin. 14Ne ke̔ meeyawuk ket ayumewin; mena uske ke̔ pukwatikwuk, chikāma numoweya uskee̔k o̔cheewuk, tapiskooch neya āka uskee̔k ka isse o̔cheeyan.
15Numoweya net ayumehan kitta otinutchik ota uskee̔k o̔che, maka kitta kunowāyimutchik muche̔tewini̔k o̔che. 16Numoweya ota uskee̔k o̔cheewuk, tapiskooch neya āka ota uskee̔k ka isse o̔cheeyan.
17Kunachehik ke tapwāwin o̔che: ket ayumewin tapwāwinewun. 18Tapiskooch ka ke̔ isse isitissa̔hooyun uskee̔k isse, ākose neesta ka̔ isse isitissa̔wukik uskee̔k isse. 19Mena weyawaw o̔che ne pukitinissoon, weyawaw ussitche kitta ke̔ kunatissitchik tapwāwini̔k o̔che.
20Mena numoweya piko okoo net ayumehāstumowawuk, maka unekee ussitche kā tapwā̔towitchik oot ayumewinewaw o̔che; 21Ka̔keyow kitta ke̔ pāukootchik; tapiskooch keya, O̔tawemaw, ka pee̔teskoweyun, mena neya ka pee̔teskatan, weyawaw ussi̔tche kitta ke̔ pāukootchik ā pee̔teskakooyu̔kik: uske kitta ke̔ tapwā̔tumomuku̔k ā ke̔ pā isitissa̔hooyun. 22Mena unima kistāye̔takoosewin ka ke̔ meeyeyun ne ke̔ meeyawuk: kitta ke̔ pāukootchik, tapiskooch ka isse pāukooyu̔k: 23Neya ā pee̔teskowukik, ākose keya ā pee̔teskoweyun, kitta ke̔ keesehee̔tchik ā pāukootchik; mena uske kitta ke̔ kiskāye̔tumomuku̔k ā ke̔ pā isitissa̔hooyun, mena ā ke̔ sakehutchik, tapiskooch ka ke̔ isse sakeheyun. 24N’ O̔ta, net itāye̔tān weyawaw ussitche, unekee ka ke̔ meeyeyun, itta ā ayayan kitta wechāwitchik; kitta ke̔ wapu̔tu̔kik ne kistāye̔takoosewin, ka ke̔ meeyeyun: chikāma ke ke̔ sakehin ā moyā e̔tukwu̔k uske. 25O kwiusk ātatisseyun O̔tawemaw, uske numoweya k’ o̔che kiskāyimikoon: maka neya ke ke̔ kiskāyimitin, mena okoo ke̔ kiskāye̔tumwuk ā ke̔ pā isitissa̔hooyun. 26Mena ne ke̔ we̔tumowawuk ke we̔yoowin, mena ne ga we̔tān: unima sakehewāwin ka ke̔ o̔che sakeheyun kitta ke̔ kunooskakootchik, mena neesta kitta kunooskowukik.
હાલમાં પસંદ કરેલ:
OO MEYO ACHIMOOWIN ST JOHN 17: CSW
Highlight
શેર કરો
નકલ કરો
Want to have your highlights saved across all your devices? Sign up or sign in
First published by the British and Foreign Bible Society 1876-1877.
