OO MEYO ACHIMOOWIN ST JOHN 16
16
PISKE̔TUSSINA̔HIKUN XVI.
1Ohoo kākwia ke ke̔ we̔tumatinawaw, āka kitta ke̔ nayā̔tawāye̔tumāk. 2Ke ga wuyoweewāpinikoowawuk ayumehāwekumikoo̔k o̔che: tapwā, tipa̔hikun kitta ooche̔chepuyew, piko oweyuk nippa̔hikooyāko net utooskowaw Muneto kitta itāye̔tum. 3Mena ohoo kākwia ke ga totakoowawuk, chikāma numoweya ke̔ kiskāyimāwuk O̔tawemawa, a̔po neya. 4Maka ohoo kākwia ke ke̔ we̔tumatinawaw, ispe tipa̔hikun ooche̔chepuyike, kitta ke̔ kiskisseyāk ā ke̔ we̔tumatukook. Mena ohoo kākwia numoweya ke ke̔ we̔tumatinawaw mitchimach o̔che, chikāma ā ke̔ wechāwitukook.
5Maka ākwa ne nataw una ka ke̔ pā isitissa̔hoot; mena numma wawach päuk keyawaw ke kukwāchiminawaw, Tantā wa̔ itoo̔tāyun? 6Maka chikāma ā ke̔ we̔tumatukook ohoo kākwia, numma na̔āye̔tumoowin ke sakuskināskakoonawaw ke’ tā̔ewa̔k. 7Āyewā̔k maka ke we̔tumatinawaw tapwāwin; Na̔hepuyew keyawaw o̔che kitta sipwā̔tāyan: chikāma keespin āka sipwā̔tāyane, Ookakeechehewāo numoweya ke ga pā otee̔tikoowaw; maka keespin sipwā̔tāyane, ke ga pā isitissa̔humatinawaw. 8Mena ispe tukoosee̔ke, kitta sakooche̔taw uske muche̔tewin o̔che, mena kwiusk itatissewin o̔che, mena ooyussoowāwin o̔che: 9Muche̔tewin o̔che, chikāma numoweya ne tapwā̔takwuk: 10Kwiusk itatissewin o̔che, chikāma ā natuk n’ O̔tawe, ākose āka mena kitta wapumeyāk; 11Ooyussoowāwin o̔che, chikāma ka ke̔che ookemasku̔k oma uske ooyussoowataw. 12Net ayan kāyapitch me̔chāt kākwia kitta we̔tumatukook, maka unoo̔ch numoweya ke ga ke̔ we̔tumakowinawaw. 13Āyewā̔k maka ispe weya, A̔cha̔k ka tapwāwinewit, tukoosee̔ke, ke ga kiskinoo̔tahikoowaw ka̔keyow tapwāwini̔k isse: chikāma numoweya weya ka̔chewak kitta peekiskwāo; maka piko kākwi kā pā̔tu̔k, āwuko kā atotu̔k: mena ke ga wapu̔teyikoowaw kākwia kā ooche̔chepuyeyikee. 14Ne ga kistukimik: chikāma kitta o̔tinum net ayani̔k o̔che, ākose ke ga wapu̔teyikoowaw. 15Ka̔keyow kākwia O̔tawemaw ka ayat neya n’ ootayanin: awuk’ o̔che wā̔che ke̔ itwāyan, kitta otinum net ayani̔k o̔che, ākose ke ga wapu̔teyikoowaw.
16Utcheyow, ākose numoweya ke ga wapuminawaw: mena maka, utcheyow piko, ākose ke ga wapuminawaw, chikāma O̔tawemaw ne nataw. 17Ākose atee̔t oo kiskino̔humowakuna omisse ititooyewa, Kākwi oma ka ke̔ itikooyu̔k, Utcheyow, ākose numoweya ke ga wapuminawaw: mena maka, utcheyow piko, ākose ke ga wapuminawaw: mena, Chikāma O̔tawemaw ne nataw? 18Omisse maka itwāwuk, Kākwi oma ka ke̔ itwāt, Utcheyow? numoweya ke ga ke̔ we̔tānow tanse ātwāt. 19Jesus maka kiskāye̔tum ā ukawatumeyit kitta kukwāchimikoot, ākose omisse itāo, Ke na kukwāche̔toonawaw keyawaw kā̔chewak unima o̔che ka ke̔ itwāyan, Utcheyow, ākose numoweya ke ga wapuminawaw: mena maka, utcheyow piko, ākose ke ga wapuminawaw? 20Tapwā, tapwā, k’ ititinawaw, Keyawaw ke ga matoonawaw mena numma ke ga na̔āye̔tānawaw, maka uske kitta muma̔takoosemukun; mena keyawaw ke ga kukwatukayimoonawaw, maka ke kukwatukāyimoowinewaw kitta kwāskinikatāo muma̔takoosewini̔k isse. 21Iskwāo wa̔ wapumawusootche ayaw kukwatukāyimoowin, chikāma oo tipāhikun ooche̔chepuyeyew: maka sāmak ka̔ wapumawusootche, numoweya owusimā kiskissetotum oo kukwatukāyimoowin, chikāma muma̔takoosew napāwa ā ne̔tawekeyit ota uskee̔k. 22Ākwa maka unoo̔ch ket ayanawaw kukwatukāyimoowin: maka ke ga wapumitinawaw mena, ākose ke’ tā̔ewaw kitta muma̔takoosemukun, mena ke muma̔takoosewinewaw numoweya oweyuk ke ga muskumikoowaw. 23Mena āwuko kesikake numoweya kākwi ke ga nutotumowinawaw. Tapwā, tapwā, k’ ititinawaw, Piko kākwi kā nutootumowayāk O̔tawemaw ne we̔yoowini̔k isse, ke ga meeyikoowaw. 24Unoo̔ch isko numoweya kākwi ke ke̔ nutootānawaw ne we̔yoowini̔k isse; nutootumak, ākose ke ga o̔tinānawaw, ke muma̔takoosewinewaw kitta ke̔ sakuskināk. 25Ohoo kākwia ke ke̔ we̔tumatinawaw uspahakāmoowini̔k isse: maka tipa̔hikun kitta ooche̔chepuyew, āka mena kitta ayumehitukook uspahakāmoowini̔k isse, maka ke ga wapu̔teyitinawaw moosisāye̔tak O̔tawemaw o̔che. 26Āwuko unima kesikake ke ga nutootumanawaw ne we̔yoowini̔k isse: mena numoweya k’ ititinawaw, ne ga mowimoostowaw O̔tawemaw keyawaw o̔che: 27Chikāma O̔tawemaw weya kā̔chewak ke̔ sakehikoowaw, chikāma ā ke̔ sakeheyāk, mena ā ke̔ tapwā̔tumāk Munetoo̔k ā o̔cheeyan. 28Ne ke̔ pā itoo̔tan O̔tawemawi̔k o̔che, akose ne ke̔ pā itoo̔tan ota uskee̔k: mena, ne nukutān uske, ākose ne nataw O̔tawemaw.
29Oo kiskino̔humowakuna omisse itik, Matika, ākwa moosisā āyumeyun, mena numoweya ket uspahakāmoowe ayumin. 30Ākwa ne kā̔chenahoonan ka̔keyow ka̔kwia ā kiskāye̔tumun, mena āka ā nutowāye̔tumun oweyuk kitta kukwāchimisk: āwuko oma o̔che ne tapwā̔tānan Munetoo̔k ā o̔cheeyun. 31Jesus omisse itāo, Ākwa na ke tapwā̔tānawaw? 32Matika, tipa̔hikun kitta ooche̔chepuyew, tapwā, unoo̔ch ooche̔chepuyew, kitta nunanis ayayāk, tu̔to napāo w’ekee̔k isse, ākose ke ga pāuko nukusinawaw: maka kāyapitch numoweya ne ga pāukoon, chikāma O̔tawemaw ne wechāwik. 33Ohoo kākwia ke ke̔ we̔tumatinawaw, kitta ke̔ ayayāk pāu̔tukāyimoowin neya o̔che. Ota uskee̔k ke ga mikooskache ayanawaw: maka muma̔takoosik; ne ke̔ sakooche̔tan uske.
હાલમાં પસંદ કરેલ:
OO MEYO ACHIMOOWIN ST JOHN 16: CSW
Highlight
શેર કરો
નકલ કરો
Want to have your highlights saved across all your devices? Sign up or sign in
First published by the British and Foreign Bible Society 1876-1877.
