OO MEYO ACHIMOOWIN ST JOHN 18
18
PISKE̔TUSSINA̔HIKUN XVIII.
1Ispe Jesus ka̔ keese ayumit ohoo ayumewina, sipwā̔tāo ussitche oo kiskino̔humowakuna ukami̔k isse unima sepeesis Cedron, itta kistekan ā e̔tukwuneyik, ākota pee̔tokwāo, ussitche oo kiskino̔humowakuna. 2Judas maka ussitche, ka ke̔ utawakāyit we’yow, ke̔ kiskāye̔tum ākota: chikāma Jesus me̔chātwaw ākota ke̔ itoo̔tāo ussitche oo kiskino̔humowakuna. 3Ākose Judas, ka̔ o̔tinat me̔chāt napāwa mena semakunissewekemawa ke̔che ayumehāwekemawa mena Phariseewa o̔che, pā itoo̔tāo ākota wasuskootānumakuna mena wasuskootānumakuna̔tikwa mena pukumakuna ā kekeeyit. 4Jesus maka, ā kiskāye̔tu̔k ka̔keyow kākwia kā otee̔tikoot, wuyoweew, mena omisse itāo, Owāna nātoonowāk? 5Omisse isse nuskwāwusehāwuk, Jesus Nazarethi̔k ka o̔cheet. Jesus omisse itāo, neya āwuko. Mena Judas ussitche, ka ke̔ utawakāyit we’yow, wechekapowistowāo. 6Sāmak maka omisse ka̔ itat, neya āwuko, usākapowewuk, mena pu̔kissinwuk uskee̔k isse. 7Ākose mena kukwāchimāo, Owāna nātoonowāk? Ākose omisse itwāwuk, Jesus Nazarethi̔k ka o̔cheet. 8Jesus omisse itāo, ke ke̔ we̔tumatinawaw neya āwuko: keespin maka ke nutoonowinawaw, keyam okoo kitta sipwā̔tāwuk: 9Kitta ke̔ tipepuyik unima itwāwin, ka ke̔ itwāt, Unekee ojche ka ke̔ meeyeyun numoweya n’ o̔che wunehaw pāuk.
10Ākose Simon Peter oot aya̔ty semakuni̔koman oochipitum, ākose ootama̔wāo ke̔che ayumehāwekemawa oot utooskāyakuneyewa, mena munewāpisumwāo oo̔’ towukuyew. Una utooskāyakun Malchus oot isseni̔kasoo̔ty. 11Ākose Jesus omisse itāo Petera, Pee̔taha ke semakuni̔koman pee̔chi̔komani̔k: unima mini̔kwakun n’ O̔tawe ka ke̔ meeyit, numma na ne ga mini̔kwan?
12Ākose ayiseyinewuk mena semakunissewekemaw ussitche semakunisuk Jewuk ā o̔cheetchik otināwuk Jesusa, ākose tu̔koopitāwuk, 13Ākose nistum itoo̔tutowāwuk Annasa; weya ā oosisit Caiaphasa, ka ke̔ ke̔che ayumehāwekemawit āwuko unima uskeewin. 14Caiaphas maka āwuko una, ka ke̔ meeyat ooyussoowāwin Jewa, ā nutowāye̔takwu̔k pāuk napāo kitta nippoostumowat ayiseyinewa.
15Ākose Simon Peter pimitissa̔wāo Jesusa, ussitche neesta una kotuk kiskino̔humowakun: āwuko kiskino̔humowakun ke̔ kiskāyimik ke̔che ayumehāwekemawa, mena pee̔tokwā‐wechāwāo Jesusa pee̔che ke̔che ayumchāwekemawa oo waskahikuneyee̔k. 16Maka Peter nepowew iskwa̔tāmi̔k wuyoweetimi̔k. Ākose wuyoweew una kotuk kiskino̔humowakun, ka ke̔ kiskāyimikoot ke̔che ayumehāwekemawa, mena ayumehāo unehee ka kunowāye̔tumeyit iskwa̔tām, ākose pee̔tokwa̔hāo Petera. 17Ākose una ooskeneekiskwāo ka kunowāye̔tu̔k iskwa̔tām omisse itāo Petera, Numma na keya ussitche k’ ookiskino̔humowakunimimik owa napāo? Omisse itwāo, numoweya. 18Ākose utooskāyakunuk ussitche semakunissewekemawuk nepowewuk ākota, ā ke̔ ose̔tatchik iskootāo kuskuskusāwa o̔che; weya ā kissinayik: mena owusoowuk: ākose Peter wechekapowistowāo, mena owusoo.
19Ākose ke̔che ayumehāwekemaw kukwāchimāo Jesusa oo kiskino̔humowakuneyewa o̔che, mena oo kukāskimawusoowineyew o̔che. 20Jesus omisse itāo, ne ke̔ ayumin moosisāye̔tak ota uskee̔k; kakekā ne ke̔ kiskino̔humakan pee̔che ayumehāwekumikoo̔k, mena pee̔che ke̔che ayumehāwekumikoo̔k, itta Jewuk mosuk ka mawutchehitootchik; mena numoweya kākwi kemooch ne ke̔ itwan. 21Tanā̔kā wā̔che kukwāchimeyun? kukwāchimik unekee ka ke̔ pā̔towitchik, tanse ka̔ itukik: matika, kiskāye̔tumwuk tanse ka̔ itwāwuk. 22Ākose oma ka̔ itwāt, pāuk semakunissewekemaw ākota ā nepowit otama̔wāo Jesusa oo’ chee̔chee o̔che, omisse ā itwāt, Ākose na ke ga isse nuskwāwusehaw ke̔che ayumehāwekemaw? 23Jesus omisse itāo, Keespin muche kākwi ka̔ itwāwanā, we̔ta unima muche kākwi: maka keespin kwiusk, tanā̔kā wā̔che otama̔hooyun? 24Annas maka oo ke̔ isitissa̔humowa̔ty Caiaphasa ke̔che ayumehāwekemawa ā tu̔koopisooyit.
25Ākose Simon Peter nepowew ā owusoot. Omisse maka itāwuk, Numma na keesta pāuk oo kiskino̔humowakuna? Anwā̔tum, mena omisse itwāo, numoweya. 26Pāuk oot utooskāyakunima ke̔che ayumehāwekemaw, ā oochewamit unehee oo̔’ towukuyew Peter ka ke̔ munewāpisumwat, omisse itwāo, Numma che ke ke̔ wapumitin pee̔che kistekani̔k ā wechāwut? 27Ākose mena Peter anwā̔tum: ākose sāmak napāpakaha̔kwan kitoo.
28Ākose itoo̔tahāwuk Jesusa Caiaphasi̔k o̔che ooyussoowāwekumikoo̔k isse: mena kākesāpayapun; mena weyawaw kā̔chewak numoweya pee̔tokwāwuk ooyussoowāwekumikoo̔k, ā koostu̔kik kitta weyepehootchik; maka kitta ke̔ mechitchik we̔ko̔toowin passover. 29Ākose Pilate wuyoweew ā natat, mena omisse itwāo, Kākwi ātamāyimayāk owa napāo? 30Nuskwāwusehāwuk mena omisse itāwuk, Keespin āka muche̔tiskit, numoweya ke ga ke̔ pātwate̔tan. 31Ākose Pilate omisse itāo, Otinee̔k keyawaw, mena ooyussoowatee̔k ā isse itustāk k’ ooyussoowāwinewaw. Jewuk maka omisse itāwuk, Numoweya kwiusk issenakwun neyanan kitta nippa̔hukee̔t oweyuk: 32Oot itwāwin Jesus kitta ke̔ tipepuyeyik, ka ke̔ itwāt, ā atotu̔k kāko nippoowin kā o̔che nippit. 33Ākose mena pee̔tokwāo Pilate ooyussoowāwekumikoo̔k, mena nutoomāo Jesusa, ākose omisse itāo, Keya na oo Ke̔che Ookemamewawa Jewuk? 34Jesus omisse itāo, Keya na tipeyowā ket itwan oma, a̔po na kotukuk che ke ke̔ we̔tumakwuk oma ā itikoweyan? 35Pilate omisse itāo, Ne Jewewin na? Kā̔chewak keya ke weetuskemakunuk ussitche ke̔che ayumehāwekemawuk ne ke̔ pukitinumakwuk ke’ yow: kākwi ka̔ totumun? 36Jesus omisse itāo, Net otānowewin numoweya ota uskee̔k o̔chepuyew: keespin net otānowewin ota uskee̔k o̔chepuyik, ākose oo ga nootinika̔tawaw net utooskāyakunuk, āka Jewa isse kitta isse pukitinikoweyan: maka ākwa net otānowewin numoweya ota o̔cheepuyew. 37Pilate maka omisse itāo, Ke Ke̔che Ookemawin na maka? Jesus omisse itwāo, Ket itwan ā Ke̔che Ookemaweyan. Āwuko oma o̔che wā̔che ke̔ ne̔tawekeyan, mena āwuko oma o̔che wā̔che ke̔ pā itoo̔tāyan ota uskee̔k kitta ke̔ atotuman tapwāwin. Tu̔to oweyuk tapwāwini̔k ka o̔cheet ne nutoo̔tak. 38Pilate omisse itāo, Kākwi unima tapwāwin? Ākose oma ka̔ itwāt, wuyoweew mena ā natat Jewa, ākose omisse itāo, Numma wawach kākwi ā nayā̔tawu̔k ne miskumwan kitta ayat. 39Maka ket ayanawaw issewāpissewin, kitta pukitinumatukook pāuk wāche̔chepuyike passover: ket itāye̔tānawaw na maka kitta pukitinumatukook oo Ke̔che Ookemamewawa Jewuk? 40Ākose mena ka̔keyow omisse isse tāpwāwuk, omisse ā itwātchik, Numoweya owa napāo, maka Barabbas. Barabbas maka oo kimootiske̔ty.
હાલમાં પસંદ કરેલ:
OO MEYO ACHIMOOWIN ST JOHN 18: CSW
Highlight
શેર કરો
નકલ કરો
Want to have your highlights saved across all your devices? Sign up or sign in
First published by the British and Foreign Bible Society 1876-1877.
