OO MEYO ACHIMOOWIN ST JOHN 19
19
PISKE̔TUSSINA̔HIKUN XIX.
1Pilate maka otināo Jesusa, ākose pusustā̔wāo. 2Ākose semakunisuk upe̔katumwuk ke̔che ookemaw ustootin misekaweminukuseeä o̔che, mena poostustootina̔hāwuk, mena poostukwuna̔hāwuk mi̔kwākinoowe ukoohoon, 3Ākose omisse itwāwuk, Wacheyā, Kā̔che Tipāyimutchik Jewuk! mena otama̔wāwuk oo’ chee̔cheewawa o̔che.
4Pilate maka wuyoweew mena, ākose omisse itāo, Matika, ke pā wuyowee̔tutwatinawaw, kitta ke̔ kiskāye̔tumāk āka kākwi ā nayā̔tawu̔k ā miskumwuk kitta ayat. 5Ākose Jesus pā wuyoweew, ā kekesku̔k misekaweminukusewe ke̔che ookemaw ustootin, ussitche mi̔kwākinoowe ukoohoon. Ākose Pilate omisse itāo, Wapumee̔k una napāo! 6Ispe maka ke̔che ayumehāwekemawuk ussitche semakunissewekemawuk weäpumatchik, tāpwāwuk, omisse ā itwātchik, Cheestahaskwas, cheestahaskwas. Pilate omisse itāo, Otinee̔k keyawaw, mena cheestahaskwatee̔k: chikāma neya numoweya kākwi ā nayā̔tawu̔k ne miskān kitta ayat. 7Jewuk omisse itāwuk, Net ayanan ooyussoowāwin, mena n’ ooyussoowāwinenan o̔che oo ga nippe̔ty, chikāma Munetoowe Koosisane̔kasoo.
8Ispe maka Pilate peā̔tu̔k āwuko itwāwin, owusimā ākwa tapwā sākissew; 9Mena kee̔twam pee̔tokwāo ooyussoowāwekumikoo̔k, mena omisse itāo Jesusa, Tantā wā̔cheeyun? Maka Jesus numma wawach nuskwāwusehāo. 10Ākose Pilate omisse itāo, Numma na ke we̔ ayumehin? numma na ke kiskāye̔tān ā ayayan soo̔katissewin kitta cheestahaskwatitan, mena ā ayayan soo̔katissewin kitta pukitinitan? 11Jesus omisse itāo, Numoweya ke ga aya̔ty soo̔katissewin nantow kitta ke̔ totoweyun, patima meeyikoweyun ispimi̔k o̔che; āwuk’ o̔che una ka ke̔ pukitinumask ne’yow owusimā misayew oo muche̔tewin. 12Ākose ākota o̔che Pilate nutoonum kitta pukitinat: maka Jewuk tāpwāwuk, omisse isse, Keespin pukitinutche owa napāo, numoweya k’ oototāmimaw Caesar: piko oweyuk ka ke̔che ookema̔kasoot nuspach isse ayimoomāo Caesara. 13Ispe maka Pilate peā̔tu̔k āwuko itwāwin, pā wuyowee̔tahāo Jesusa, mena uppew ooyussoowāwe uppewini̔k itta ā isseni̔katāyik Ussineewe‐unaskani̔k, maka Hebrew keeswāwini̔k isse, Gabbatha. 14Ākose mākwach muneeschekatāpun passover, mena nantow ātokwā ā ape̔takesikak: ākose omisse itāo Jewa, Wapumee̔k ke Ke̔che Ookemamewaw! 15Maka omisse isse tāpwāwuk, Sipwā̔ta, sipwā̔ta, cheestahaskwas. Pilate omisse itāo, Ne ga na cheestahaskwataw ke Ke̔che Ookemamewaw? Ke̔che ayumehāwekemawuk omisse itwāwuk, Numoweya petoos Ke̔che ookemaw net ayawanan piko Caesar. 16Ākose maka pukitinumowāo kitta cheestahaskwatimee̔t. Ākose otināwuk Jesusa, mena sipwātahāwuk. 17Ākose weya ā pimoowutāt oo pimitaskwahikun itoo̔tāo itta ostikwanekākuni̔k ā itumoo̔t, Hebrew keeswāwini̔k Golgotha ka itumee̔k: 18Itta ā cheestahaskwatatchik, ussitche nesoo kotuka, pa̔pāuk ayeetow, ākose Jesus tustowitch.
19Pilate maka mussina̔hum, mussina̔hikāwin, ākose ustaw pimitaskwahikuni̔k. Mena omisse itussina̔hikatāo, JESUS NAZARETHI̔K O̔CHE OO KE̔CHE OOKEMAMEWAWA JEWUK. 20Oma makamussina̔hikāwin me̔chāt Jewuk ke̔ ayume̔tawuk: weya itta Jesus ka ke̔ cheestahaskwatee̔t kissewak ke̔che waskahikuneska̔k: mena Hebrewi̔k ke̔ itussina̔hikatāo, ussitche Greeki̔k, mena Latini̔k. 21Ākose oo ke̔che ayumehāwekemamewawa Jewuk omisse itāwuk Pilatea, Ākaweya mussināha, Oo Ke̔che Ookemamewawa Jewuk; maka una ka ke̔ itwāt, Neya ne Ke̔che Tipāyimawuk Jewuk. 22Pilate omisse itwāo, Unima ka ke̔ mussina̔human, ne ke̔ mussina̔hān.
23Ākose semakunisuk, ka̔ cheestahaskwatatchik Jesusa, otinumwāwuk, ootayoowiniseyewa, mena nāo̔tawāwuk, tu̔to semakunis pu̔kee ā ayat; mena ussitche oot ukoohooneyew: unima maka ukoohoon numoweya ke̔ kuskekwatāo, maka ke̔ upee̔katāo missewā. 24Omisse maka ititoowuk, Ākaweya peekoopitu̔tan, maka nutowe kiskāye̔tu̔tan, owāna kā oot ayanit: ke̔che mussina̔hikāwina kitta ke̔ tipepuyikee, omisse ka itwāmuku̔kee, Net ayoowinisa ke̔ matinumatoowuk, mena net ukoohoon o̔che ke̔ kootāye̔tumwuk owāna kā oot ayanit. Ohoo kākwia semakunisuk ā ke̔ i̔totu̔kik.
25Ākota maka oo’ kaweya Jesus kissewak oo pimitaskwahikuni̔k oo nepoweye̔ty, ussitche oo’ kaweya oo’ chewamiskwāmeyewa, Mary we’wa Cleophas, mena Mary Magdalene. 26Ispe maka Jesus weäpumat oo’ kaweya, ussitche unehee kiskino̔humowakuna ā nepoweyit ākota, unehee ka ke̔ sakehat, omisse itāo oo’ kaweya, Iskwāo, kunowapum ke’ koosis! 27Ākose omisse itāo unehee kiskino̔humowakuna, Kunowapum ke’ kawe! Ākose āwuko tipa̔hikun o̔che āwuko kiskino̔humowakun ke̔ kewā̔tahāo weya kā̔chewak w’ekee̔k isse.
28Ka̔ poonepuyik oma, Jesus ā kiskāye̔tu̔k ākwa kākeyow kākwia ā keese̔tawee̔t, ke̔che mussina̔hikāwin kitta ke̔ tipepuyeyik, omisse itwāo, ne noo̔tāyapakwan. 29Ākota maka ke̔ ustanewunopun ussewuchekun ā sakuskināk seewe̔kapoë o̔che: ākose sakuskina̔hāwuk i̔kahepana seewe̔kapoë o̔che, mena ustawuk ustakunuskoosee̔k, ākose oo’ tooneyee̔k isse ustawāwuk. 30Ispe maka Jesus ka̔ o̔tinu̔k seewe̔kapoë, omisse itwāo, Keese̔chekatāo: ākose namiskwāyew, mena sipwācha̔kwāo.
31Jewuk maka, chikāma mākwach muneeschekatāpun, meyowa āka pimitaskwahikuni̔k kitta ayayikee ayumehākesikayike, (weya āwuko ayumehākesikaw ā ke̔che kesikak,) see̔kimāwuk Pilatea oo’ skateyewa kitta peekwahikatāyikee, mena kitta otinimee̔t. 32Ākose semakunisuk pā itoo̔tāwuk, mena peekoonumwāwuk oo’ skateyewa unehee nistum, mena unehee utte uskoo̔ch kotuka ka ke̔ weche cheestahaskwatimee̔t. 33Maka ispe wātee̔tatchik Jesusa, mena weäpu̔tu̔kik assi ā ke̔ nippeyit, numoweya peekoonumwāwuk oo’ skateyewa: 34Maka pāuk semakunis me̔chikewa o̔che tu̔kumāo oo’ spikuyi̔k, ākose sāmak ke̔ wuyoweepuyew mi̔ko mena nippe ākota o̔che. 35Mena una ka ke̔ wapu̔tu̔k achimoo, mena oot achimoowin tapwāwuneyew: mena kiskāye̔tum ā tapwāt, kitta ke̔ tapwā̔tumāk. 36Weya ohoo kākwia ke̔ tochekatāwa, ke̔che mussina̔hikāwin kitta ke̔ tipepuyik, Numma wawach pāuk oo’ skunim kitta peekoonumwan. 37Mena maka kotuk ke̔che mussina̔hikāwin omisse itwāmukun, Kitta kunowapumāwuk unehee ka ke̔ tu̔kumatchik.
38Ākose uskoo̔ch oma Joseph Arimathea o̔che, ā ookiskino̔humowakunimimikoot Jesusa, maka kemooch weya ā koostat Jewa, pukoosāyimāo Pilatea kitta otinumwat we’yoweyew Jesusa: ākose Pilate eyinumowāo. Pā itoo̔tāo maka, ākose otinum we’yoweyew Jesusa. 39Mena Nicodemus ussitche pā itoo̔tāo, una nistum ka ke̔ pā natat Jesusa nepatipisk, mena pātaw ā keyekowinikatāyik muske̔ke myrrh ussitche aloea, nantow metatu̔toometunow tipapāskoochekun ā ispee̔che koosikwuneyik. 40Ākose otinumwuk we’yoweyew Jesusa, mena wāwākinumwuk wapiske pupukewuyanākinoo̔k ussitche unehee wee̔kemakoohoowina, ka isse totu̔kik Jewuk oweya nāhenatwawe. 41Itta maka ka ke̔ cheestahaskwatee̔t e̔tukwunopun kistekan; mena pee̔che kistekani̔k ayapun ooske chepuyekumik, itta āka chāskwa oweyuk ā ke̔ a̔yee̔t. 42Ākota maka a̔yāwuk Jesusa chikāma Jewuk oo muneeschekāwe kesikamewaw o̔che; weya kissewak ā ayayik chepuyekumik.
હાલમાં પસંદ કરેલ:
OO MEYO ACHIMOOWIN ST JOHN 19: CSW
Highlight
શેર કરો
નકલ કરો
Want to have your highlights saved across all your devices? Sign up or sign in
First published by the British and Foreign Bible Society 1876-1877.
