Popular Bible Verses from OO MEYO ACHIMOOWIN ST JOHN 17

શેર કરો

Kunachehik ke tapwāwin o̔che: ket ayumewin tapwāwinewun.

Mena āwuko oma kakekā pimatissewin, kitta ke̔ kiskāyimiskik keya piko tapwā Mānetooweyun, mena Jesus Christ ka ke̔ pā isitissa̔wut.

Mena numoweya piko okoo net ayumehāstumowawuk, maka unekee ussitche kā tapwā̔towitchik oot ayumewinewaw o̔che; Ka̔keyow kitta ke̔ pāukootchik; tapiskooch keya, O̔tawemaw, ka pee̔teskoweyun, mena neya ka pee̔teskatan, weyawaw ussi̔tche kitta ke̔ pāukootchik ā pee̔teskakooyu̔kik: uske kitta ke̔ tapwā̔tumomuku̔k ā ke̔ pā isitissa̔hooyun.

Numoweya net ayumehan kitta otinutchik ota uskee̔k o̔che, maka kitta kunowāyimutchik muche̔tewini̔k o̔che.

Mena unima kistāye̔takoosewin ka ke̔ meeyeyun ne ke̔ meeyawuk: kitta ke̔ pāukootchik, tapiskooch ka isse pāukooyu̔k: Neya ā pee̔teskowukik, ākose keya ā pee̔teskoweyun, kitta ke̔ keesehee̔tchik ā pāukootchik; mena uske kitta ke̔ kiskāye̔tumomuku̔k ā ke̔ pā isitissa̔hooyun, mena ā ke̔ sakehutchik, tapiskooch ka ke̔ isse sakeheyun.