Marc 6
6
Iesu'n mynd nôl i Nasareth
1-5Gadodd Iesu'r ardal 'na a dwâd i'r dre lle wedd‐e wedi câl i fagu, a dilinodd i ddisgiblion e. Pan ddâth dy' Saboth dachreuodd‐e ddisgu in i sinagog, a we'r rhan fwya we 'na in sinnu wrth i gliwed e a gwedon‐nhwy, “O ble ma'r dyn ma'n câl i pethe 'ma? Beth ma'r dyn 'ma wedi câl sy'n gadel iddo fe neud shwt bethe mowr? Ddim i sâr yw hwn, crwt Mair a brawd Iago, Joses, Jiwdas a Seimon? Sino'i wiorydd e 'ma 'da ni?” A wên‐nhwy'n pallu i dderbyn e achos beth wedd‐e'n i weud. Gwedodd Iesu wrthon nhwy, “Ma proffwyd in câl parch in bobman ond in lle gâs‐e'i fagu, 'da'i dilwith a in i dŷ i hunan.” Wedd‐e'n ffeilu neud unrhw beth mowr fan'yn, on fe nâth‐e roi i ddwylo ar rei dinion we ddim in dda a'n u gwella nhwy. Wedd‐e'n sinnu at u diffyg ffydd nhwy.
Hala'r douddeg mas i bregethu
6-13Âth‐e rownd i pentrefi in disgu. Wedyn galwodd‐e'r Douddeg ato fe a dachre u hala nhwy mas bob in ddou. Roiodd‐e'r hawl iddon nhwy dros isbridion drwg. Roiodd‐e ordors iddon nhwy beido mynd â dim byd 'da nhwy ar i jant ond pastwn — dim bara, dim bag, dim arian in u pwtsys. Wên‐nhwy i wishgo sgidje ond wenon‐nhwy i wishgo dou grys. Gwedodd‐e wrthon nhwy, “Ble binnag ewch‐chi miwn i ryw dŷ, aroswch na nes bo chi'n mynd mlân i rywle arall. A os gewch‐chi ddim croeso 'da dinion, neu os na rondan‐nhwy arnoch chi miwn lle, gadwch i lle a wrth fynd shiglwch i dwst bant o'ch trâde i ddangos beth ŷch‐chi'n meddwl amdanon nhwy.” Ethon‐nhwy bant a prigethu bo rhaid i bobol ddifaru; a fe halon‐nhwy lot o githreiled mas o ddinion, a gwellon‐nhwy lot o ddinion tost wrth allwish oil arnyn nhwy.
Lladd Ioan Fididdiwr
14-29Cliwodd i Brenin Herod am hyn, achos we enw Iesu wedi dwâd in nabiddus. We rhei pobol in gweud, “Ma Ioan Fediddiwr wedi dwâd in fyw 'to, a 'na pam mae‐e'n neud pethe mowr.” We dinion erill in gweud, “Eleias yw‐e”; a dinion erill 'to, “Proffwd yw‐e fel we gâl slawer dy'”. On pan gliwodd Herod gwedodd‐e, “Ma Ioan, i dyn dorres i i ben e bant, wedi dwâd nôl in fyw.”
Nawr ir Herod ma we wedi hala dinion i aresto Ioan a'i gloi fe lan in i shâl. Nâth‐e 'ny achos Herodias, gwraig Ffilip i frawd e. We Herod wedi'i phriodi hi, a we Ioan wedi gweu‐'tho fe, “Sini'n iawn i ti briodi gwraig di frawd.” Weno Herodias in galler haru Ioan achos bo fe wedi gweud hyn, a wedd‐i am i ladd e; ond wedd‐i'n ffeilu, achos we ofon Ioan ar Herod. We'i ofon e ar Herod achos wedd‐e'n gwbod bo Ioan in ddyn da a sanctedd, a achos 'ny wedd‐e'n cadw Ioan in sâff. We Herod in grondo arno fe'n prigethu in amal a we'r pethe wedd‐e'n i weud in i hala fe i bendroni; on wedyn weth wedd‐e'n leico 'i gliwed e. Dâth shans Herodias pan gâs Herod barti ar i benblwydd. Dâth dinion pwysig i llys, ir armi a'r bobol fowr o Galilea, i'r parti 'ma. Dâth i roces e, rhoces Herodias, miwn a dawnso o'u bleine nhwy, a enjoiodd Herod a bobun arall we 'dag e. Enjoiodd Herod shwt gwmint fel wedodd‐e wrth i roces, “Gofina di am beth binnag wit ti moyn da fi; a fe roia i e i ti.” Addawodd e iddi hi, “Roia i beth bennag wit‐ti'n gofyn i fi amdano i ti, lan i hanner in deyrnas i os wit‐ti moyn.” Âth i roces mas a gweu‐'th i mam, “Beth ddilen‐i ofyn amdano?” Gwedodd‐i, “Pen Ioan Fididdiwr.” Âth i roces miwn ar unweth at i brenin a gweud, “Dwi moyn i ti roi pen Ioan Fediddiwr ar blat i fi, nawr.” Gâs i brenin shwt i shoc; ond achos i addewid, a we'r rhei we'n ishte wrth i ford 'dag e wedi'i gliwed e'n neud i addewid, nâth‐e ddim peido roi beth wedd‐i moyn iddi. Halodd i brenin un o'r sowldiwrs o'r palas 'da ordors i ddwâd â pen Ioan ato fe. Âth‐e a torri pen Ioan bant in i shâl, a dâth‐e a'i ben e ar blat a'r roi fe i'r roces. Wedyn fe roiodd i roces pen Ioan i'w mam hi. Pan gliwodd disgiblion Ioan am hyn fe ddethon‐nhwy a mynd â'i gorff e a'i roi e miwn twm.
Bwydo pum mil o ddinion
30-44Dâth ir apostolion nôl at Iesu, a gweu‐'tho fe am bopeth wên‐nhwy wedi'u neud a'u disgu. Gwedodd‐e wrthon nhwy, “Dewch bant i le tawel ar ben ich unen i chi gâl whê fan'ny am damed”; achos we shwt gwmint o fynd a dwâd, fel wenon‐nhwy wedi câl cifle i fita bwyd hyd 'n‐ôd. So ethon‐nhwy bant in i cwch i le unig ar ben u hunen. On gwelo lot o ddinion nhwy'n mynd, a'u nhabod nhwy, a gerddon nhwy i gyd mas 'na ar hast, a dwâd i ble wên‐nhwy'n mynd o'u blân nhwy. Pan ddâth‐e mas o'r cwch, 'na gyd welodd‐e we crowd mowr; a achos bo nhwy fel defed heb fugel fe gâs‐e drenu droston nhwy a disgodd‐e lot o bethe iddon nhwy. Wedd‐i'n hwyr pan ddâth i ddisgiblion ato fe a gweud, “Ma'r lle 'ma'n bell o bobman, a ma‐i'n ddiweddar. Hal nhwy bant, fel bo nhwy'n galler mynd i'r ffermydd a'r pentrefi sy bitu'r lle i bernu rwbeth i fita.” Atebodd Iesu, “Rhoiwch chi rwbeth i fita iddon nhwy.” Gwedon‐nhwy wrtho fe, “Wit‐ti moyn i ni fynd bant a hala canodd o bune i bernu torthe a rhoi nhwy i'r dinion i fita?” “Sowl torth sy 'da chi?” gofinodd‐e, “Cerwch i weld.” Wedi iddyn nhw ffindo mas gwedon‐nhwy, “Pump o dorthe, a dou bisgodyn.” Gwedodd‐e wrth i disgiblion i hala'r bobol i ishte lawr in gwmpnïe ar i porfa glas. Ishteddon‐nhwy lawr in resi i gyd, rhei in gwmpnïe o gant a rhei in hanner cant. Wedyn cwmrodd‐e'r pump torth a'r ddou bisgodyn, drich lan i'r nefodd a jolch i Dduw; wedyn fe dorodd‐e'r torthe a'u rhoi nhwy i'w ddisgiblion i roi mas i'r crowd. Rhanodd‐e'r ddou bisgodyn rhintyn nhwy i gyd fyd. Biton‐nhwy i gyd nes bo nhwy'n llawn; a fe gasglon nhwy douddeg basgeded o sbarion bara a pisgod. We pum mil o ddinion wedi bita'r torthe.
Iesu'n cered ar i dŵr
45-52Wedyn nâth‐e i'r disgiblion fynd miwn i gwch a mynd i Beseida o'i flân e. Wedodd‐e hwyl fowr wrthon‐nhwy a fe âth‐e lan i'r minidde i weddïo. Pan dewillodd‐i we'r cwch in bell mas ar ganol i llyn, a wedd‐e ar ben i hunan ar i tir. Gwelodd‐e u bo nhwy'n bleino rhwyfo, achos we'r gwynt in u herbyn nhwy; so rhynt tri a whech ar gloch i bore fe ddâth‐e atyn nhwy in cered ar i dŵr. Wedd‐e'n mynd i fynd heibo nhwy, on pan welon‐nhwy e'n cered ar i dŵr wên‐nhwy'n meddwl i bo nhwy'n gweld drichioleth a gweiddon‐nhwy mas; achos wên‐nhwy gyd wedi'i weld e a we ofon arnyn nhwy. Ond sharadodd‐e 'da nhwy a gweud, “Biddwch in ddewr! Fi yw e! Sdim ishe i chi gâl ofon.” Dâth‐e miwn i'r cwch aton nhwy, a fe dawelodd i gwynt. Wên‐nhwy wedi'u sinnu'n fowr achos wenyn‐nhwy wedi diall beth we wedi digwydd da'r torthe; we'u meddilie nhwy'n rhy galed.
Gwella dinion we ddm in dda in Genesaret
53-56Groishon‐nhwy'r llyn a dwâd i Genesaret, a clwmu'r cwch lan fan‐'ny. Ginted wên‐nhwy mas o'r cwch, nabiddodd dinion e. Rhedon‐nhwy trw'r ardal, a wen‐nhwy'n cario dinion we ddim in dda ato fe ar fatrasys ble bennag wên‐nhwy'n cliwed i fod e. A ble binnag wedd e'n mynd, i bentrefi, trefi neu ffermydd, we nhwy'n rhoi'r dinion we ddim in dda i gyd miwn lle agored a'n begian arno fe i adel iddon nhwy gwrdd â'r imil we ar i ddillad e hyd 'n‐ôd. A we bob un we'n cwrdd ag e in câl u gwella.
اکنون انتخاب شده:
Marc 6: DAFIS
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Y Beder Ifingyl gan Lyn Lewis Dafis. Hawlfraint – M ac R Davies