Marc 5
5
Gwella'r dyn ing gwlad i Gerasenied
1-20Dâth Iesu i wlad i Gerasenied ar ochor arall i llyn. We'i ddisgiblion 'dag e, a ginted wên‐nhwy wedi dwâd mas o'r cwch, dâth dyn aton nhwy o ganol i twme, a we isbryd drwg indo fe. We'r dyn in byw in ganol i twme. We neb in galler i glwmu fe'n sownd ragor, ddim hyd 'n‐ôd gida tjaen. Wedd e wedi câl i glwmu sawl gwaith o'r blân da tjaens a lloithirie, on wedd‐e wedi whalu'r tjaens a torri'r lloithirie, a we neb in ddigon cryf i dawelu e. Trw'r dydd a'r nos wedd‐e'n wben in ganol i twme a ar i minidde, a'n neud dolur i unan 'da cerrig. Gwelodd‐e Iesu'n dwâd o bell bant, a rhedodd e ato a towlu i unan lawr o'i flân e. Wedyn gweiddodd‐e ar dop i laish, “Pam wit‐ti'n busnesan 'da fi, Iesu, Crwt i Duw Mowr? In enw Duw, dwi'n begian arnot ti, paid neud dolur i fi!” Wedodd‐e 'na achos we Iesu'n gweu 'tho fe, “Isbryd drwg, dere mas o'r dyn 'ma.” Gofinodd Iesu iddo fe, “Beth yw di enw di?” Atebodd‐e, “In enw i yw Lleng, achos ma lot onon ni”; a nâth‐e fegian arno fe i beido a'u hala nhwy mas o'r ardal.
Ar u pwys nhwy, ar i mini, we lot o foch in pori, a begianodd ir isbridion arno fe, a gweud, “Hal ni miwn i'r moch, gâd ni fynd miwn iddon nhwy.” Gadodd Iesu iddon nhwy neud 'ny. Dâth ir isbridion drwg mas o'r dyn a mynd miwn i'r moch, a wedyn fe redodd i moch lawr i graig a miwn i'r llyn a boddi. We rhyw ddwy fil o foch 'na i gyd. Rhedodd i dinion we'n gofalu amdanon nhwy bant a mynd a gweud beth we wedi digwydd in i trefi a'r wlad rownd obitu'r lle. Dâth dinion i weld beth we wedi digwydd. Dethon‐nhwy at Iesu, a gweld i dyn we'r isbridion drwg wedi bod indo fe in ishte wedi gwishgo, in iawn in i feddwl, a fe geson nhwy ofon. Gwedodd i rhei we wedi gweld i cifan beth we wedi digwydd i'r dyn a'r moch. Begianon‐nhwy ar Iesu i adel u hardal nhwy. Pan we Iesu'n mynd miwn i'r cwch begianodd i dyn we'r isrbydion wedi bod indo fe ar Iesu i adel iddo fe ddwâd 'dag e. Pallodd Iesu i adel e, ond wedodd‐e wrtho fe, “Cer getre at di dilwith a gwe‐'thon nhwy beth ma'r Arglwi wedi neud i ti, a shwt gwrmodd drenu arnot ti.” Âth e bant a gweud in Gwlad i Deg Tre beth we Iesu wedi neud iddo fe, a we bob un wedi'u sinnu.
Gwella merch Jairus a'r fenyw â hemredj
21-43Croishodd Iesu miwn cwch i ochor arall i llyn shwrne 'to. A wedd‐e ar ochor i dŵr pan ddâth crowd mowr ato fe. Dâth dyn o'r enw Jairus mlân. We Jairus in wenidog in un o'r sinagoge. Pan welodd‐e Iesu cwmpodd‐e wrth i drâd e a begian arno fe a gweud, “Ma'n rhoces fach i bitu farw. Dere a rho di ddwylo arni fel bo'i'n gwella a byw.” Âth Iesu 'dag e a dilinodd i crowd mowr a gwasgu rownd 'ddo fe.
We menyw we wedi bo'n sal da hemredj am ddouddeg mline in i crowd. Wedd‐i wedi godde'n hir dan lot o wanol ddoctoried. Wedd‐i wedi hala pob dime goch we 'da'i in treial gwella, ond gwâthigu wedd‐i wedi neud in lle gwella. Wedd‐i wedi cliwed lot am Iesu, a dâth hi lan tu‐ôl 'ddo fe in i crowd a cwrdd â'i ddillad e, achos wedodd‐i wrth i hunan, “Os 'na'i gwrdd â'i ddillad e, fe ga i'n wella.” Gwellodd ir hemredj ar unweth, a fe deimlodd‐i i bo‐'i wedi gwella. Ond we Iesu in gwbod indo i unan bo nerth wedi mynd mas ono fe, a troiodd‐e rownd a gweud, “Pwy gwrddodd â'n ddillad i?” Gwedodd i ddisgibion wrtho fe, “Ti'n gweld shwt ma'r crowd in hwpo rown ti, a wedyn weth wit‐ti'n gofyn, ‘Pwy sy wedi cwrdd â fi?’ ” Drichodd‐e rownd i weld pwy we wedi neud 'ny. On fe ddâth i fenyw mlân, a wedd‐i'n crinu i gyd 'da ofon achos bo‐'i'n gwbod beth we wedi digwydd iddi, a cwmpodd hi lawr o'i flân e a gweud i gwir i gyd. Gwedodd Iesu wrthi, “In ferch i, ma di ffydd di wedi di wella di. Cer, ma popeth in iawn, a wit‐ti wedi gwella.”
We Iesu wrthi'n sharad o hyd pan ddâth dinion o dŷ gwenidog i sinagog a gweud, “Ma di roces di wedi marw. Pam poeni mwy ar i Mishtir?” Rondodd Iesu ddim ar beth we'n câl i weud a gwedodd‐e wrth wenidog i sinagog, “Paid câl ofon. Ma credu'n ddigon i ti.” Gadodd‐e i neb ddod 'dag e ond Pedr, Iago a Ioan brawd Iago. Dethon‐nhwy i dŷ gwenidog i sinagog, a gwelodd‐e'r comoshon we fan‐'ny a'r dinion in llefen a gweddi ar dop u lleishe. Âth‐e miwn a gweu‐'thon nhwy, “Pam ŷch‐chi'n neud shwt gomoshon a'n llefen? Seno'r roces wedi marw o gwbwl; dim ond cisgu ma‐i.” Nethon‐nhwy sbort ar i ben e; ond halodd‐e nhwy gyd mas, a mynd â mam a tad i roces, a'r rhei we 'dag e, miwn i le we'r plentyn. Cijodd‐e in llaw'r plentyn a gweu‐'thi, “Talitha cwm”, sy'n goligu, “Gronda arna i, roces fach, a coda.” A wedyn fe gododd i roces a cerdded rownd. Wedd‐i'n ddouddeg mlwydd wed. Wên‐nhwy gyd wedi'u sinnu ar hyn. Roiodd‐e ordors pendant na we neb i wbod am hyn, a gwedodd‐e wrthon nhwy i roi rwbeth i fita i'r roces.
اکنون انتخاب شده:
Marc 5: DAFIS
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Y Beder Ifingyl gan Lyn Lewis Dafis. Hawlfraint – M ac R Davies