Sgyrsiau gyda DuwSampl

Yn anaml mae llais yr Arglwydd yn uchel. Mae'r Ysbryd Glân yn sibrwd yn aml. Mewn achosion ble mae e'n nodi pryder yn ysgafn. mae'n syniad da i wahanu ein hunain oddi wrth y magl tebygol. Yn yr un modd, pan mae e'n nodi bendith gallwn ddewis i ufuddhau a chamu i mewn i'r cyfle hwnnw drwy ffydd. Dydy'r Arglwydd ddim yn ailadrodd yr eneiniadau hyn, felly mae'n rhaid i ni wrando'n astud am ei lais a gweithredu.

Un prynhawn ganol haf, derbyniais anogaeth newidiodd y cyfeiriad ro'n i'n mynd iddo'n bendant iawn. Roedd nifer o fy mhlant wedi bod yn mynychu ysgol Gristnogol fach yn ein hardal. Galwodd aelod o'r bwrdd rheoli, a oedd yn ffrind personol hefyd, heibio a holi os baswn i'n ystyried ymgeisio am swydd fel hyfforddwr ysgrifennu i'r ysgol ganol, y tymor canlynol.

Dyna beth oedd syniad annisgwyl. Dw i'n cofio'r pwyso a mesur gymerodd le tu ôl i'm llais ffôn cuddiedig. I ddechrau daeth y esgusion negatif: Gradd arlunio oedd gen i. Doeddwn i'n gwybod fawr ddim am sgwennu cwricwlwmau. Doeddwn i heb weithio tu allan i'm cartref ers blynyddoedd. Byddai dysgu dosbarthiadau tu allan i'n cartref yn siŵr o ansefydlogi ein harferion teuluol sefydlog. Byddai'r swydd hon yn golygu lot o waith - twt lol, faswn i ddim hyd yn oed yn gwybod ble i ddechrau. A pham y basen i'n cael fy mhenodi yn lle athrawon llawer mwy cymwysedig ar gyfer y swydd?

Nesaf, daeth y posibiliadau: Beth os byddai hyn yn gyfle i ddigolledu costau addysgu? Byddai hyd yn oed ychydig incwm yn helpu cyllid y teulu. Yn fwy na hynny, ro'n i wrth fy modd yn dysgu ac yn athro da. Am fod dysgu tu allan i'm cartref yn her i'w chroesawu - hwrê! Os oedd Duw wedi fy newid i ar gyfer y swydd yma, oni fyddai ei ddoethineb a phŵer yn dod law yn llaw gyda'r apwyntiad?

Yn y foment ddryslyd honno. siaradodd yr Arglwydd. Roedd hi fel petai e wedi cyffwrdd fy ysgwydd - unwaith ac yn ysgafn. Dyna'r cyfan. Dangosodd y byddai cael cyfweliad ar gyfer y swydd hon yn lwybr o fendith.

Ro'n i wedi fy apwyntio cyn pen y mis. O fewn dau fis datgelodd yr Arglwydd yr weledigaeth ar gyfer y gwaith cwrs. Erbyn y trydydd, ro'n i'n creu'r cwricwlwm, rhyngweithio gyda'r myfyrwyr, ac er mawr syndod - yn mwynhau'r broses yn ddirfawr. Dw i nawr yn gwybod, heb yr her yma, faswn i ddim wedi bod â'r sgiliau, na hyder, i sgwennu'r llyfr ar weddi, ddilynodd maes o law. Cymaint o fendith sydd wedi dod o ufuddhau i'r un cam hwn.