Ddim yn iawnSampl

Mae yna reswm mae pobl athrylithgar yn hoffi chwarae gwyddbwyll. Mae'n gêm galed! Rwyt ti’n gallu gwybod yr holl reolau ynglŷn â sut y gall y gwahanol ddarnau symud a dal i gael trafferth gyda'r union beth rwyt ti i fod i'w wneud. Mae rhai pobl yn treulio eu bywydau cyfan yn dysgu sut i ddod yn arbenigwyr gwyddbwyll.

Os wyt ti'n dod yn wirioneddoldda, mae modd cystadlu i ddod yn brif feistr - y lefel uchaf o arbenigwr gwyddbwyll yn y byd! Ond mae'n cymryd amser hir, llawer o ymarfer, a meddwl gwych. Nid yw pawb â’r ddawn i fod yn arbenigwr gwyddbwyll.

Gall bywyd fod ychydig fel gwyddbwyll weithiau. Rwyt yn gwybod yr holl reolau am dda a drwg a dal i gael trafferth gyda'r hyn rwyt ti i fod i'w wneud. Nid yw'n hawdd. Dyna pam nad yw pawb yn dewis gwneud y peth iawn. Mae'n llawer haws gwneud yr hyn sydd hawsaf!

Mae'r Beibl yn ei alw'n "ffordd gul." Pe bai'r ffordd yn fawr ac yn llydan, byddai'n llawer haws cerdded ymlaen heb ddisgyn ar y naill ochr na'r llall. Ond pan fo ffyrdd yn gul, rhaid i ti fod yn llawer mwy gofalus. Mae'n cymryd amser, amynedd ac ymarfer i aros ar ffordd gul, ond mae'n ein harwain i wneud dewisiadau er ein lles.

Felly ydy, nid yw bob amser yn hawdd gwybod y da o’r drwg. Mae geiriau Duw yn ein hatgoffa mai felly y byddai, ond gydag amser ac amynedd, rwyt yn gallu dysgu sut i gerdded y ffordd gul.