Ddim yn iawnSampl

Dychmyga nad oeddet ti a'th ffrindiau erioed wedi chwarae gêm Monopoly o'r blaen. Yna, un diwrnod, rwyt ti'n dod o hyd i'r blwch mewn cwpwrdd, yn ei dynnu allan, ac yn penderfynu ei chwarae. Nid oes unrhyw lyfr rheolau na chyfarwyddiadau, felly rwyt ti'n ceisio darganfod sut i chwarae'r cyfan ar dy ben dy hun. Wyt ti'n meddwl y byddet ti'n gallu dyfalu unrhyw un o'r rheolau'n gywir? Beth yw pwrpas yr holl arian ffug? Pam fod yna dai bach plastig? Sut mae'r cardiau'n gweithio?

Os wyt ti ond yn dyfalu sut i chwarae gêm fwrdd, mae'n debyg y byddi di'n dyfalu'n anghywir. Dyna pam mae gynnon ni lawlyfrau cyfarwyddiadau! Cyn belled â bod gen ti lyfr rheolau gerllaw, nid oes rhaid i ti ddyfalu beth sy'n iawn a beth sy'n anghywir. Rwyt ti’n gallu gwirio'r rheolau.

Os wyt ti'n ceisio dyfalu beth mae'n ei olygu i fynd drwy fywyd, efallai dy fod di yr un mor ddryslyd. Mae bywyd yn gymhleth, gyda llawer o ddarnau teimladwy a newidiadau annisgwyl. Ddylet ti ddim ceisio ei ddarganfod ar dy ben dy hun yn unig. . . ac yn ôl y Beibl, does dim rhaid i ti.

Mae’r Beibl yn dweud bod Iesu yn dal yr holl greadigaeth gyda’i gilydd. Ef yn y bôn yw'r un a wnaeth y gêm! Mae'n gwybod yr holl reolau ac, yn bwysicach fyth, mae'n dy garu di ac eisiau i ti wybod y da a'r drwg. Os wyt ti dan straen ac yn poeni am ba gamau i'w cymryd neu beth yw'r canllawiau, mae gen ti i gysylltiad â rhywun sydd eisiau dy helpu.