Tyfu mewn CariadSampl

Mae Cariad sy’n Tyfu yn Ddibynnol ar Dduw

Mae’n hawdd i’n bywydau fod mor brysur fel ein bod yn colli allan ar yr hyn sy’n wirioneddol bwysig. Ond yn y tymor hwn, mae Duw wedi bod yn dangos i mi bwysigrwydd perthnasoedd a thyfu mewn cariad. Dros y dyddiau nesaf, byddwn ni’n archwilio sut gallwn ni dyfu yn ein cariad at Dduw ac eraill er mwyn i ni allu profi dymuniad a galwad eithaf Duw amdanon ni - i brofi a byw o’i gariad e.

Yn wir, mae’r Ysgrythur yn dweud wrthym yn Mathew 22:37-40 fod caru Duw â phawb fel dŷn ni’n caru ein hunain yn cyflawni’r holl gyfraith a phroffwydi.

Mae'n debyg dy fod eisoes yn gwybod hyn. Ond mae'n haws dweud na gwneud, yn tydi?

Yn lle gwneud miliwn o esgusodion ynglŷn a pham mae hyn yn ymddangos yn amhosibl, dw i'n dewis tyfu yn y galwadau pwysicaf hyn. Ac rwy'n dyfalu edy fod tithau eisiau gwneud yr un peth.

Felly, sut allwn ni wir garu fel hyn? Allwn ni ddim, mewn gwirionedd - ar ein pennau ein hunain.

Mae angen inni edrych at Dduw - ffynhonnell cariad! Mae'r Beibl yn ein dysgu nad Duw yn unig yw ffynhonnell cariad, ond cariad yw Duw (gweler 1 Ioan 4:16). Fel Cristnogion, dŷn ni nawr yn gallu caru’n ddiffuant oherwydd bod gennym ni brofiad uniongyrchol o’i gariad grasol e tuag atom (gw. Philipiaid 2:1-2).

Er na fyddwn byth yn cyrraedd cariad perffaith yr ochr hon i'r nefoedd, gallwn bob amser dyfu yn ein gallu i garu. Ac mae byw o gariad Duw yn bosib pan dŷn ni'n dysgu cydnabod a dibynnu arno ym mhob eiliad.

Cofia sut beth oedd dy fywyd cyn iti brofi gras a maddeuant Duw? Oeda ac enwa dair bendith fewnol yr wyt nawr yn eu mwynhau fel Cristion.

Pan fyddwn yn sylweddoli, yn glynu wrth, ac yn ymhyfrydu yn pwy yw Duw, bydd cariad go iawn yn arwain!

Gad i ni edrych at esiampl ein Harglwydd Iesu:

Dywedodd Iesu wrth y rhai oedd yn ei feirniadu ac yn ei amau fod popeth a wnaeth ac a ddwedodd wedi dod o arweiniad ei Dad nefol. Ac o ganlyniad, yr hyn a dystiodd pobl yn ei fywyd oedd cariad cwbl dosturiol, a newidiodd dragwyddoldeb.