Dod i DeyrnasuSampl

GWEDDI:

Duw, dw i eisiau cael ffydd ddi-sigl. Dysga fi i drystio’n llwyr ynot.

DARLLENIAD:

Mae'n debyg dy fod yn gwybod sut mae'r stori hon yn dod i ben. Mae Pedr yn edrych i fyny ac yn gweld y gwynt a'r tonnau ac yn mynd yn ofnus. Mae'n colli ei ganolbwyntio ar Iesu, yn dechrau suddo i'r dŵr, ac mae'n rhaid i Iesu ddod i'w achub. Dŷn ni’n tueddu i ganolbwyntio ar fethiant Pedr yn y stori hon, ond beth am y ffydd aruthrol oedd gan Pedr yn Iesu, i gamu allan ar y tonnau o gwbl? Dyna ffydd ryfeddol! Mwy o ffydd na neb arall ar y cwch y diwrnod hwnnw. Credai Pedr gymaint yng ngrym Iesu fel mai fe oedd yr unig ddyn erioed i gerdded ar draws wyneb y môr. Wel, yr unig ddyn nad oedd hefyd yn Dduw, hynny yw.

Dŷn ni fel arfer mor ofnus o fethiant fel nad ydyn ni byth yn camu allan ac yn trystio yn Nuw i wneud y rhyfeddol. Fel y disgyblion eraill yn y cwch, dŷn ni'n cadw ein traed wedi'u plannu'n gadarn ar y dec ac yn gwylio rhywun arall yn camu ar y tonnau. Falle y byddwn hyd yn oed yn dathlu pan fyddan nhw’n methu fel ffordd o gyfiawnhau ein penderfyniad diogel i aros yn yr unfan.

Falle ein bod ni'n gwneud hyn ar hyd ein bywydau a byth yn methu mewn unrhyw ffordd sy'n achosi embaras yn gyhoeddus, ond dŷn ni byth yn llwyddo mewn unrhyw beth oedd yn hollol werth ei wneud chwaith. Am drasiedi! Dwedodd y gweinidog ac awdur A.W. Tozer, “Mae Duw yn chwilio am bobl y gall wneud yr amhosibl drwyddyn nhw. Mae'n drueni ein bod ni'n cynllunio dim ond pethau y gallwn ni eu gwneud ar ein pennau ein hunain.”

Beth petaem ni'n trystio Duw gyda chefnu'n ddiofal ar Pedr wrth iddo neidio allan o'r cwch hwnnw? Yn sicr, dechreuodd suddo, ond nid cyn iddo gymryd sawl cam i'r amhosibl. Ac yn y diwedd, wnaeth Iesu ddim gadael iddo suddo.

Hyd yn oed yng nghanol methiant, rhannodd Pedr ac Iesu eiliad gyda'i gilydd na fyddai byth yn cael ei hailadrodd. A phe baset ti'n n gallu holi Pedr am y foment honno, mae'n debyg y byddai'n dweud wrthyt ti na wnaeth e erioed ddifaru camu allan o'r cwch hwnnw.

MYFYRDOD:

Fedri di ddychmygu sut deimlad fyddai trystio yn Iesu i’r pwynt o gefnu’n ddifeddwl? Fyddai’n frawychus, gwefreiddiol, neu'r ddau?

Dos i un o'th hoff lefydd mwyaf cyfforddus. Falle ei fod yn soffa glyd gyda blanced, neu efallai ei fod yn rhywle y tu allan ym myd natur. Unwaith y byddwch wedi setlo i mewn, cymerwch anadliadau araf, dwfn wrth i chi ddod yn llonydd gerbron Duw.

Oes unrhyw beth sy’n dy ddal yn ôl rhag ildio i sut mae Duw eisiau symud ynot ti? Cymra ychydig funudau a gofynna iddo ddangos i ti beth sydd yn dy rwystro - yna, rho hynny o’i flaen. Gofynna i Dduw weithio yn dy galon, sut bynnag mae'n plesio, i dy helpu di i drystio ynddo i'r pwynt o gefnu'n ddifeddwl.

I ddod o hyd i fwy o gynlluniau gan North Point Community Church, clicia ar yma.