Iesu a’r Ofnus

Does dim ofn mor fawr fel na all Iesu ein helpu ni i’w wynebu. Does yna ddim tywyllwch rhy ddwfn i'w oleuni e dreiddio drwyddo.

Yn y Africa Study Bible cymer olwg ar “The Light of Life”:

Mewn llawer man, mae’r cyfnos yn dod ag ofn ac ofn perygl sy’n llechu. Mae’r rhan fwyaf o ddrygioni a throseddau dan orchudd tywyllwch. Mae gweithredoedd dewiniaeth a dieflig, lladrad a llofruddiaeth, anfoesoldeb a meddwdod yn aml yn digwydd mewn tywyllwch. Mae llofruddwyr, ysbrydion drwg, a'r rhai sy'n ymhél â thrio cysylltu â’r meirw yn cuddio dan orchudd tywyllwch. Mae pobl yn ansicr beth sydd yng nghysgod y tywyllwch, felly maen nhw'n edrych ymlaen at y wawr.

Ond gydag Iesu, nid oes angen i neb ofni'r tywyllwch oherwydd pan ddewisi di ei ddilyn byddi di ddim yn cerdded yn y tywyllwch ddim mwy, ond yn llawenydd ei oleuni. Yn wir, caiff ei alw’n Oleuni’r Byd yn Efengyl Ioan. Rhaid i unrhyw un sydd am gael ei oleuo gan bresenoldeb Crist - sy'n rhoi gobaith a chyfeiriad i fywyd - uniaethu â Christ trwy ffydd. Dyma’r unig ffordd “bydd dy fywyd i gyd yn olau fel petai lamp yn disgleirio arnat ti.” (Luc 11:36). Caniatáu i Iesu, Goleuni'r Byd, lenwi'ch bywyd yw'r unig ffordd i osgoi bod yn sownd yn nhywyllwch y byd a'i bleserau twyllodrus.

Myfyrio neu Drafod

Mae 1 Ioan 1:5 yn dweud, “Golau ydy Duw; does dim tywyllwch o gwbl ynddo.” Pam mae'n arwyddocaol bod Iesu'n cael ei alw'n Oleuni'r Byd, ac nad oes tywyllwch ynddo?

Sut byddet ti'n disgrifio'r gwahaniaeth rhwng byw bywyd yn y tywyllwch a byw bywyd yn y golau? Pa fywyd wyt ti eisiau byw?

Beth yw'r ofnau neu'r tywyllwch yn dy fywyd sy'n cadw goleuni ei fywyd rhag disgleirio trwodd? Wnei di ofyn iddo ddod i lewyrchu ei oleuni sy’n puro ym mhob cornel dywyll o'th fywyd?