Cynyddu Arweinyddiaeth gyda Doethineb BeiblaiddSampl

Os dŷn ni'n dad-wneud Arfwisg Duw, mae'n edrych fel hyn:

1. Safwch gyda gwirionedd wedi'i rwymo fel belt am eich canol,
2. cyfiawnder Duw yn llurig amdanoch,
3. cyfiawnder Duw yn llurig amdanoch,
4. a'r brwdfrydedd i rannu'r newyddion da am heddwch gyda Duw yn esgidiau ar eich traed.
Daliwch eich gafael yn nharian ffydd bob amser,Derbyniwch achubiaeth yn helmed ar eich pen,
5. a newyddion da Duw, sef cleddyf yr Ysbryd, yn arf yn eich llaw.

Mae gennym chwe ffordd i sefyll yn gadarn yn yr Arglwydd! Ond, edrycha'n dipyn agosach ar beth sy'n eu dal â'i gilydd. Y Gwirionedd o Air Duw, a chleddyf yr Ysbryd, sef Gair Duw. Do'n i ddim wedi sylwi ar hyn o'r blaen ac ro'n i wedi fy syfrdanu!

Y pentan cyntaf yw belt gwirionedd. Pwrpas belt yw dal pethau i fyny, fel ein trowsus. Pan sgwennwyd y Beibl dillad hir oedd yn cael eu gwisgo ac roedd belt yn eu dal i fyny i'w gwneud hi'n hawdd i symud o gwmpas yn sydyn heb ddisgyn drosodd. Pa mor briodol yw hi y gallwn ddefnyddio’r gwir o Air Duw i’n hatal rhag baglu dros ein hunain. Gair Duw yw ffynhonnell y gwirionedd i ddilynwr Iesu!

Y pentan ar y pen arall yw Cleddyf yr Ysbryd, sef Gair Duw. Mae'r cleddyf yn arf amddiffynnol ac ymosodol. Dylid defnyddio Gair Duw i amddiffyn a dal ein tir pan mae'r gelyn ysbrydol yn prowlan.

Fel y gweli yn y darlun hwn, mae'r llyfrau hyn wedi'u dal yn eu lle gan bentanau. Mae'r pentanau'n cynrychioli Gair Duw ac yn ffyrdd i sefyll yn gadarn. Mae'r darlun hwn yn cynrychioli ein bywydau fel arweinwyr. Dylai bod gennym sawl silff o lyfrau i ddysgu ohonyn nhw. Mae'r silffoedd hyn, hefyd, yn llawn o brofiadau sydd wedi ein siapio a'n paratoi. Mae'r adnoddau hynny'n bwerus a defnyddiol, a bydd Duw'n eu defnyddio fel mae e'n gweld orau. Ond yr hyn sy'n hanfodol i'r genhadaeth yw'r pentanau sy'n dal y llyfrau hyn y neu lle, y profiadau a'r addysgu.

Fel arweinwyr, un o'r ffyrdd hanfodol o gynyddu ein harweinyddiaeth yw adeiladu sylfaen gadarn drwy Air Duw. Rhaid i'r cwbl dŷn ni'n ei ddysgu, profiadau, ac addysgu redeg drwy hidlydd gwirionedd Duw-y pentanau. Bydd yn llunio ein persbectif, a chaniatáu i ni brosesu'r gwirionedd go iawn mewn sefyllfaoedd ac amgylchiadau. Felly, pan ac nid os bydd pethau'n anodd, y byddwn yn gallu graddio ein harweinyddiaeth oherwydd mae gwirionedd Gair Duw ynom, a bydd yn ein harwain i ymateb yn briodol. Mae Gair duw ynom yn darparu'r doethineb Beiblaidd sydd ei angen i fod yn arweinydd ardderchog.

O Dduw, dw i eisiau dy wirionedd dreiddio i'm calon a'm hysbryd. Siarad efo fi a'm hatgoffa i wneud pentanau Arfwisg Duw yn ran rheolaidd o'm diwrnod.