Trawsnewidiad Mab Colledig gyda Kyle IdlemanSampl

"DEFFROAD - Dileu Newynau" (Awakening)

Darllenais yn ddiweddar am arbrawf wnaed gan y seicolegydd Jonathan Haidt. Lluniodd ymarfer damcaniaethol hynod ddiddorol, a aeth rhywbeth fel hyn:

Cafodd gyfranogwyr grynodeb o fywyd person i'w ddarllen. Gofynnwyd i'r cyfranogwyr ddychmygu wedyn mai eu merch nhe oedd y person. Dyma ei stori nad oes modd ei osgoi, Dydy hi heb ei geni eto, ond fe fydd hi cyn bo hir, a dyma i ble mae ei bywyd yn mynd. Wedyn roedd gan y cyfranogwyr bum munud i olygu ei stori. Gyda rwber yn eu llaw gallai nhw ddileu o'i bywyd hi beth bynnag roedden nhw ei eisiau.

Byddai'r rhan fwyaf ohonom yn dileu ar frys unrhyw anabledd dysgu a'r ddamwain car ac anawsterau ariannol. Dŷn ni'n caru ein plant a bydden ni eisiau iddyn nhw fyw bywyd heb y caledi, poenau, ac anawsterau hynny. Bydden ni i gyd yn dymuno i fywydau ein plant fod yn rhydd o boen ac ingoedd.

Ond rhaid gofyn: Ai dyna sydd orau?

A ydyn ni'n meddwl go iawn fod bywyd breintiedig heb unrhyw broblemau am wneud bywydau ein plant yn rhai hapus? Beth os fyddet ti'n dileu sefyllfa anodd fyddai'n eu deffro i weddi? Beth os fyddi di'n dileu caledi fydd yn eu dangos sut i fod yn llawen er gwaetha'r sefyllfa? Beth os fyddi di'n dileu poen a dioddef fyddai'n troi allan i fod yn gatalydd y bydd Duw'n ei ddefnyddio i'w harwain i weiddi arno mewn angen. Beth os fyddi di'n dileu sefyllfa anodd sy'n eu deffro i bwrpas Duw yn eu bywydau?

Efallai ei fod yn swnio'n llym i'w ddweud, ond nid pregethau, llyfrau na grwpiau bach yw'r prif gyfrannwr at dwf ysbrydol; y prif gyfrannwr at dwf ysbrydol yw amgylchiadau anodd. Dw i'n gallu dweud hyn wrthot ti oherwydd profiad personol, darllen. darllen arolygon tyfiant ysbrydol, a fy nhystiolaeth hanesyddol, yn dilyn siarad i filoedd o bobl dros y blynyddoedd. Mae AHA yn tarddu o ddioddefaint, anawsterau a sialensiau bywyd. Gallai llawer o bobl ddwyn i gof y cyfnodau hynny fel eu cyfnodau gorau o ddeffroad ysbrydol.

*Ar ba gyfnodau yn dy fywyd wyt ti wedi profi'r twf ysbrydol mwyaf? A oedden nhw'n gyfnodau o ddigonedd, neu'n gyfnodau caled? A yw Duw'n ceisio dy dyfu di nawr drwy sefyllfa neu dreial anodd?