Adennill dy LawenyddSampl

Rhanna lawenydd dy Iachawdwriaeth.

Darllena Effesiaid, pennod 2, adnod 10.

Mae tri cham arall ar gyfer adennill dy lawenydd i ni siarad amdanyn nhw heddiw.
Yn gyntaf, mae’n rhaid iti dreulio amser gyda Duw bob dydd.

Fe all fod yn anodd i feddwl fod Duw eisiau treulio amser gyda thi. Mae ganddo lond trol o bethau i’w gwneud, onid oes? Ond drwy’r Ysgrythur, mae Duw’n ein gwahodd i mewn i’w bresenoldeb. Ac fe ddaw llawenydd o dreulio amser gyda Duw mewn amser tawel, am ein bodd yn dysgu i wrando ar ei lais a darganfod beth mae e eisiau i ni wneud gyda’n bywydau. Po fwyaf o amser rwyt ti’n treulio gyda Duw, y dyfnaf fydd dy gyfeillgarwch yn tyfu gydag e.

Yn ail, mae angen iti ddod i ffordd o roi nôl. Mae’r Beibl yn dweud yn Effesiaid pennod 2, adnod 10: “Duw sydd wedi'n gwneud ni beth ydyn ni. Mae wedi'n creu mewn perthynas â'r Meseia Iesu, i ni wneud yr holl bethau da mae e wedi'u trefnu ymlaen llaw i ni eu gwneud” (beibl.net). Mewn amseroedd caled, mae’n hawdd iawn bod yn hunanol. Ond y gwir yw, po fwyaf y byddi’n ffocysu arnat ti dy hun, y mwyaf o lawenydd y byddi’n colli.

Dw i wedi teithio ar hyd y lled y byd ac wedi bod mewn sawl gwlad gaeedig ble mae pobl yn cael eu herlid am eu ffydd yn Iesu Grist. Wyt ti’n gwybod beth dw i wedi’i ddarganfod? Y Cristnogion sy’n cael eu herlid yw’r bobl fwyaf llawen yn y byd. Pam? Am ei fod yn golygu rhywbeth iddyn nhw. Dydyn nhw ddim yn Gristnogion achlysurol difater. Mae eu hawl i addoli a’u rhyddid yng Nghrist yn golygu rhywbeth iddyn nhw. Ac maen nhw’n llawer mwy llawen.

Mae angen iti ffeindio ffordd o roi nôl. Unwaith rwyt wedi cymryd y ffocws oddi arnat dy hun, fe ddoi di o hyd o ffordd i lawenydd ddod yn ôl.

Yn olaf, i adennill dy lawenydd, mae angen iti ddweud wrth rywun am Iesu.

Wneith dim byd arall adfer dy lawenydd na bod â chonsyrn am iachawdwriaeth ffrind. Mae’r Beibl yn dweud bod parti yn y nefoedd bob tro y bydd rhywun yn derbyn yr Arglwydd. Wyddost ti fod Luc, pennod 15, adnod 7 yn dweud: “mae mwy o ddathlu am fod un pechadur wedi troi at Dduw” (beibl.net) Y diwrnod y cymeraist ti’r cam, roedd yna barti yn y nefoedd i ti. A’r diwrnod y byddi si’n helpu rhywun i adnabod yr Arglwydd, mae ysan barti’n mynd i fod yn dy galon. Mae’r llawenydd yn dychwelyd wrth iti ei rhannu ag eraill.

Gweddïa’r wedi hon heddiw, “Dduw, helpa fi i ffeirio cariad am gasineb, llawenydd am alar, a charedigrwydd am apathi. Boed i lawenydd yr Arglwydd fod mor amlwg ar fy wyneb fel bod pobl eisiau gwybod pam ac adnabod y gobaith sydd ynof i. Helpa fi i fod yn ufudd i’r hyn rwyt wedi’i ddweud wrthyf i'w wneud. Helpa fi i ffocysu ar dy fendithion yn fy mywyd, fel bod gen i agwedd o ddiolchgarwch am dy ufudd-dod. Adnewydda lawenydd fy iachawdwriaeth fel fy mod yn gallu rhannu’r llawenydd ag eraill a’u helpu nhw i ddod o hyd i’w llawenydd eu hunain drwy berthynas gyda thi. Diolch mod i’n gallu cael gobaith a llawenydd drwy Iesu Grist. Amen.”