Popular Bible Verses from Macaafa Isaayaas Raajichaa 65

Share

Yommus utuu isaan ana hin kadhatin nan deebisaaf; utuma isaan anatti himatanii hin fixinis nan dhaga'aaf*.

Waaqayyo,<<Kunoo! Ani bantiiwwan waaqaa haaraa fi lafa haaraa nan uuma; wanti dur ta'e hin yaadatamu, inni darbes yaada namaa keessa hin dhufu*.

Isaan si'achi akkasumaan dadhabanii hin hojjetan, ijoolleen isaaniis dingata du'uuf hin dhalatan; isaan ijoollee isaanii wajjin sanyii warra Waaqayyo eebbisee ta'anii in jiraatu.

Si'achi mana isaan ijaarratanitti namni kan biraa hin galu, muka waynii isaan dhaabbatanis ija isaa namni kan biraa hin nyaatu; sabni koo akka muka gaattiraa bara dheeraa in jiraatu, warri ani fo'adhes isa harka isaaniitiin itti dadhabanii hojjetan in nyaatu*.

<<Achi keessatti mucummaatti du'uun hin jiru; namni dulloomee utuu bara hin quufin du'u achi keessatti hin argamu; namni waggaa dhibba jiraatee du'u iyyuu akka waan dargagummaatti du'eetti in ilaalama; namni waggaa dhibba utuu hin ga'in du'u immoo akka nama abaarameetti in ilaalama*.

Yommus yeeyyii fi ilmoon hoolaa walii wajjin in sooratu, leencis akka sangaa cidii in nyaata; bofni garuu awwaaruma ishee in nyaatti; isaan kun hundinuu tulloota koo warra qulqullaa'oo hundumaa irratti waan hamaa hin godhan, si'achis waan tokko illee hin balleessan>> jedhee dubbateera*.

Yommus ani mandara Yerusaalemitti saba koottis nan gammada; sagaleen boo'ichaa fi sagaleen iyyaa si'achi ishee keessatti hin dhaga'amu*.