Ціхая ноч: Атрымайце супакой ад Ісуса гэтым РаствомУзор

Дзень трэці: Выказвай сваю патрэбу ў Ім.

«Дзякую, але я здолею зрабіць тое сам».

Ці вы калі-небудзь адмаўляліся прыняць дапамогу, не зважаючы на тое, што яна была вам вельмі патрэбная?

Часам нам цяжка прызнацца, што мы ня здолеем зрабіць усё самі. Падчас падрыхтоўкі да Раства гэта часта канчаецца стомленасьцю ды раздражняльнасьцю. Гэткая самадастатковасьць можа стаць сьмяротнай у нашым духоўным жыцьці.

Праўда ў тым, што нам неабходны Ісус. Але мы часта жывем так, нібыта мы здолеем перакідацца самастойна. І мы ня бачым нашую вялікую патрэбу ў Богу, пакуль мы не адвядзем час паразважаць над Ягонай прыгажосьцю: Ягонай сьвятасьцю, любоўю, дабрынёю, Ягоным ахвяраваньнем, якое выкупіла нас. Калі мы прызнаем нашую патрэбу ў Ісусе, то мы адчуваем сябе слабымі, але Ён абяцае, што ўбогія духам, лагодныя сэрцам ды тыя, хто прагнуць ды смагнуць праведнасьці атрымліваюць болей Самога Бога ў якасьці ўзнагароды.

Атрымліваецца, што выказваньне нашае патрэбы ў Ім – гэта адзіны спосаб атрымаць дзівоснае багацьце Ісуса Хрыста, што Бог падрыхтаваў нам.

Псальміст заклікае Божы народ усхваляць, пакланяцца ды кленчыць перад сваім Творцам. У іўрыце слова «пакланяцца» азначае «падаць ніцма» або «кланяцца». Фізычна, тое азначае стаць на калені, гэтак прызнаючы Ісусаву ўладу; духоўна, тое азначае поўнасьцю скарыцца Яму.

Гэткая перастаноўка пэрспэктывы ды прыярытэтаў становіцца магчымай толькі тады, калі мы сьпярша адводзім час на ўсьведамленьне Божае велічы. Пакланеньне Богу дапамагае нам атрымаць правільнае ўяўленьне Бога, што ў сваю чаргу дапамагае нам прызнаць сваю віну ды пакаяцца.

Ісус тлумачыць гэта навочным прыкладам, калі Ён называе Сябе вінаграднай лазой, а вучняў – галінамі. «Безь Мяне ня можаце рабіць нічога», – кажа Ён ім. «Калі застанецеся ўва Мне […] вы ўродзіце мноства пладоў». На дзіва, Ісус ня кажа нам працаваць больш старанна, каб урадзіць больш пладоў. Наадварот, Ён кажа нам заставацца ў ім, спадзявацца на Яго. Тыя, хто застаюцца прылучанымі да Яго, уродзяць шмат плоду, бо гэта Ягоны Дух, Хто прыносіць плод.

Дазвольце, каб вашая патрэба ў Ісусе прынесла адпачынак ды супакой гэтым Раством. Без прымусу. Вы ня мусіце рабіць усё самастойна. У сапраўднасьці, вам проста трэба адпачыць.

Пытаньні на разважаньне: Як параўнаньне Ісуса да вінаграднае лазы мяняе на вас? Якія іншыя імёны Ісуса дапамагаюць вам убачыць вашую патрэбу ў Ім? Якім чынам вы можаце выказаць вашую патрэбу і адпачыць у Ім сёньня?