Ціхая ноч: Атрымайце супакой ад Ісуса гэтым РаствомУзор

Дзень першы: Навошта нам адпачываць падчас Раства?

«Саўка ды Грышка ладзілі дуду, павесяліцца зь ёй на Каляду» – так пачынаецца вядомая калядная песьня. Вось мы тое й робім.

Некаторыя з нас рыхтуюцца да Раства як толькі на дварэ пачынае халаднець, а іншыя адкладаюць непазьбежнае да апошняга моманту.

Але раней ці пазьней кожны з нас уцягваецца ў вір дзейнасьці – з большага вясёлай ды сьвяточнай, а тым ня менш тое вычэрпвае нашыя сілы ды пакідае нашыя душы напіханымі й адначасова пустымі.

Часта менавіта сярод усёй гэтай мітусьні сьвяточнае весялосьці мы ціха разважаем самі сабе: «І гэта ўсё?» Добрая навіна заключаецца ў тым, што па-за ўсімі гэтымі прысмакамі, закупнымі сьпісамі ды аздабленьнямі стаіць Божы Сын, Які дзеля нас стаў чалавекам.

Бог ведае, што мы схільныя да шалёнай дзейнасьці. Гэта было адной з прычынаў, дзеля якой Ён задумаў адпачынак для сыноў Ізраілевых кожны шосты дзень: каб яны маглі спыніць усё, што яны рабілі, ды ўсьведаміць дабрыню свайго Бога, сваю вялікую патрэбу ў Ім і Ягоны дар супакою ды цішыні.

Калі мы практыкуем адпачынак, то мы прызнаем верагоднасьць Бога: нават калі мы прыпыняем працу, Бог працягвае трымаць сьвет у парадку.

Сёлета я, як тое зрабіў быў наш Госпад і Збаўца са Сваімі вучнямі, запрашаю вас запаволіцца й трохі адпачыць зь Ім, ды адкрыць для сябе зноў цуд ды радасьць Раства сярод вашых улюбёных сьвяточных традыцыяў.

Але як тое можа выглядаць?

Цягам наступных чатырох дзён мы будзем практыкаваць адпачывальнае пакланеньне, карыстаючыся такімі прынцыпамі: памятай Ягоную дабрыню, выказвай тваю патрэбу ў Ім, шукай Ягонага супакою ды спадзявайся на Ягоную вернасьць.

Ці вы прымеце Ягонае запрашэньне гэтым Раством? Затрымайцеся на хвілінку ды адпачнеце.

Малітва: Госпадзе, Ты так добра ведаеш мяне. Ты ведаеш, што я прагну весела правесьці час зь сям’ёй ды сябрамі, але я бяру на сябе больш за тое, што я здолею зрабіць, і ў рэшце рэштаў зьяўляецца зашмат стрэсу ды болю. Я не хачу, каб гэта паўтарылася сёлета. Таму я йду да Цябе з распасьцёртымі рукамі ды адкрытым сэрцам. Вось я. Навучы мяне сьвяткаваць нараджэньне нашага Збаўцы з адпачынкам. Навучы маё сэрца захапляцца Тваёй прыгажосьцю ды сьпяваць Тваю хвалу. Амін.

Хаціце яшчэ? Спампуйце Unwrapping the Names of Jesus (Адкрываючы імёны Ісуса) ды атрымайце малітвенны дзёньнік, закладку ды малітву аб калядным адпачынку, якую можна раздрукаваць.