7 рэчаў, якія Біблія кажа пра гадаваньне дзяцейУзор

Некалькі гадоў таму мы адказалі на Божае пакліканьне павялічыць нашую сям’ю праз гадаваньне прыёмышаў і ўсынаўленьне. Мы ведалі, што тое ня будзе лёгкім заданьнем, але мы былі гатовыя стаць рукамі ды нагамі Ісуса для сямей, якія апынуліся ў нястачы. Мы былі гатовыя перамяніць сьвет. Але мы тады не разумелі, што праз гэты досьвед Бог хацеў перамяніць наш сьвет.

Людзі часта кажуць нам, што мы зьяўляемся вельмі асаблівымі, бо робім гэткую важную справу. Але адкрыю вам сакрэт: прыёмныя бацькі насамрэч зусім не зьяўляюцца асаблівымі. Мы слабыя; мы робім памылкі; часам мы крычым і ня маем адказаў на ўсе пытаньні. Мы проста людзі, якія ходзяць вераю ды не баяцца блытаніны. Аднак сапраўды асаблівым тут зьяўляецца тое, што робіць Бог, калі мы слухаемся Яго.

Як прыёмная сям’я, у апошнія некалькі гадоў мы сталі сьведкамі таго, як Бог заставаўся верным раз за разам, пераносячы горы, які ніколі раней. Калі мы думалі, што наладзіць адносіны зь біялягічнаю сям’ёю дзіцяці было немагчыма, зьяўляўся Бог. Калі мы павінны былі разьвітвацца зь некаторымі дзецьмі, якіх мы гадавалі, зьяўляўся Бог. Калі нам здавалася, што мы ня здолеем вытрымаць яшчэ адзін дзень, зьяўляўся Бог.

Гэтае падарожжа таксама дапамагло нам лепей зразумець, як Бог бачыць нас. Гэтак сама, як мы прымаем у наш дом пакрыўджаных дзяцей, Бог прымае нас у Сваю сям’ю. Ён ёсьць нашым Нябесным Татам і нашым абаронцам. Ён прымае нас, незалежна ад таго, якія праблемы ў нас ёсьць, якія грахі мы ўчынілі, або як мы ня здолеем быць дасканалымі. Калі мы прыходзім да Яго, то Ён прымае нас як бацька, любіць нас без усякіх умоваў ды кліча нас Сваімі дочкамі ды сынамі.

Калі вы адчуваеце, што тое, што вы робіце зьяўляецца недастатковым, калі вы апынуліся ў - як вам падаецца - невырашальных абставінах, або калі вы папросту ня ведаеце, што рабіць далей, то я раю вам шукаць Бога й слухацца Яго. Магчыма, іншыя людзі скажуць, што вы зьехалі з глузду. Насамрэч, я ўпэўнены, што яны менавіта тое й скажуць. Але я таксама ўпэўнены вось у чым: Бог ужо ў пагоні за вамі. Ён мае плян на вашае жыцьцё, і ён ёсьць нашмат лепшым за ўсё тое, што вы можаце ўявіць сабе сёньня.

Тэйлар Кітрон,
адміністратар YouVersion