7 рэчаў, якія Біблія кажа пра гадаваньне дзяцейУзор

Гадаваць дзяцей - цяжкая справа, што тут казаць. Лёгка прыгадваць цёплае мінулае - як нашыя дзеці былі гэтакія малыя й мілыя, але калі адным спакойным вечарам яны гарлапаняць у куце, або калі мы мяняем пялюшкі, здаецца, тысячу разоў на дзень, то памятаць, што яны зьяўляюцца Божым дабраславеньнем, даецца нашмат цяжэй!

Але нягледзячы на ўвесь гэты бацькоўскі стрэс, 1 Тэсалянікійцаў 5:16-18 можа дапамагчы нам бачыць ясна й мець правільную пэрспэктыву падчас гэтых шалёных момантаў.

Заўсёды радуйцеся

Ня страчвайце надзею ў гэтыя цяжкія гадзіны. Памятайце, што быць бацькамі - высакароднае й вартае намаганьняў пакліканьне, прывілей, які Бог даў нам, і плады якога мы ўбачым аднаго дня, нават калі сёньня так не падаецца. Зразумейце, што Бог гэтак удастоіў нас.

Бесьперастанку малецеся

Няма анічога такога, чаго нашым дзецям патрэбна болей за прысутнасьць Хрыста ў іхным жыцьці. З гэтае прычыны, найважнейшае, што мы можам зрабіць як бацькі, - гэта ахінаць нашых дзяцей малітвай. 1 Тэсалянікійцаў 5:17 кажа нам маліцца несупынна - нават калі здаецца, што ўсё навокал віруе.

За ўсё дзякуйце

У некаторыя дні дзякаваць за нашых дзяцей лёгка, а ў некаторыя - цяжка. Але ў гэныя цяжкія дні, памятайце, што вы не адны. Нават калі вам падаецца, што вы ўжо больш ня можаце, то як раз тады й трэба ісьці да Бога ў малітве. Прасеце Яго аднавіць вашую радасьць, дзякуйце Яму за вашых дзяцей. Ён здолее ды хоча даць вам сілу, радасьць і ўдзячнасьць, неабходныя вам. Калі мы навучымся спадзявацца на Бога нават у цяжкія дні гадаваньня дзяцей, то мы абавязкова будзем удзячнымі за нашых дзяцей!

Кэйсі Кэйс,

кіраўнік службы падтрымкі YouVersion